澳門大利來記豬扒包 (Closed)

今日黎到官也街，一定要食下豬扒包既。其實經過好多次個門口都無緣食到。一係就食飽先黎，一係就多人到唔想等位。。。難得今日係平日，一於搏一搏啦。下午2點出爐豬扒包，我2:45pm去到，果然係平日呀，真係無人排隊呀!!!! 走左上樓上坐，無錦嘈。。。黎得哩d出名既地方食，都預左服務態度差差地架啦，好似唔憂無生意錦款，果然哩間都唔例外。侍應講野有少少悔氣，不停催你落單。講真，對於第一次黎既我就要睇下餐牌，要d時間唸下食咩架啦。算啦，一早預左，何況唔洗等位有得食就算啦!叫左2個豬扒包，1個菠蘿豬扒包，1支大可樂，一罐芬達。野食黎到梗係要相機食先，跟住就開餐! 講真，唔係D人講到錦好食囉，個包有少少硬而韌，不過豬扒係煎得幾香既。之不過。。。如果吸一吸油先夾入個包會更好。我地肚餓所以好快食完，同時店員亦都好快錦收晒D野，再寫埋紙仔叫你拎去埋單。哩方面有點不滿，有趕客既感覺，我又唔係唸住坐係度好耐，但食完要你即走既感覺一D都好唔受啦!食後感，食哩個豬扒店係純粹食個店名，可能其他小店製作更有心，更值得我地幫襯下。