添發碗仔翅美食

Open Now

Now Closed

環保風氣下，依家好多食肆停售魚翅，想食碗翅已經係難上加難...今趟澳門掃街一日遊，正好俾個機會我地大快朶頤 呢!行程中既一環節就係去福隆新街街尾既"添發"食翅 嘞...福隆新街係d舊式既横街小巷，小巷內有好多古色古香既街舖林立，見到白牆紅窗果間就係"添發"了。靚女搞手話呢樹出名食又平又大煲既翅, 唔信？！入去試試吧！排左半粒鐘，終於有位俾我地，店舖細小又擠迫 ，要分四個四個人，兩張枱併埋先坐囉....拿拿聲落單，八個人點左兩個花膠海参大隻翅 (85蚊煲)、五個花膠海参煲仔翅 (60蚊煲)、一個豪華碗仔翅 (40蚊碗)...熱辣辣超燙手既魚翅煲 上枱喇……輪賣相，當然係85蚊果款大隻翅殺食, 魚翅足料大大塊，果然真材實料，湯底濃郁！我呢煲60蚊都唔弱，同85蚊煲相比，只係相差小小姐，一樣有花膠(無甘厚大)、魚翅(無甘大隻姐)、海參(比較細小)、竹笙等，但個個食後都話60蚊抵食d 。至於40蚊果款，朋友話只係比普通街頭賣既碗仔翅好些小！食飽就即刻走，因為實在太迫夾了……下次再來，識揀啦！