Video
Read full review
2017-04-23
1330 views
食完生煎包，麻糬同炭燒魚餅包呢啲pre-lunch之後，終於要正式食個Lunch啦而今日既Lunch亦係本日行程其中一個重點 - 《Paddington》，我地選擇去既係歐式呢間，因為想試佢個卷餅（註：Paddington係澳門係分歐式同美式兩間，賣既野係唔同架！）今次既位置就係鬧市既一條小巷入面，行入去你就會見到一間黑色玻璃屋架啦！環境好恬靜嫁，好似遠離左鬧市既繁囂咁，入到去仲幾好坐添，好大嫁，有2層，樓底都好高，完全冇壓逼感！最岩我地避下雨同食個靚lunch傾計😚😚！睇完Menu之後（Menu超大本嫁，圖文並茂），我地就有左決定啦！就決定叫 - 三文魚牛油果卷餅 同 抹茶紅豆卷餅！同埋我地好好彩喎！最近做緊promotion，只要like同share佢地個fb page，每點一樣野都可以加$1換1隻炸蠔，而每一樣野最多可以換3隻，換句話講，我地可以換6隻，但因為唔想太飽，我地只係換左3隻者1）吉列蠔 ：⭐️⭐️⭐️新鮮熱辣炸起，食落超脆！不過太厚粉啦⋯⋯蠔其實好細粒，尚算有蠔味既，1蚊隻，好抵！！合格！2）三文魚牛油果卷餅 ： ⭐️⭐️⭐️⭐️⭐️大愛呢個班戟卷餅，薄身得黎好軟綿綿，卷起左一層層好
（註：Paddington係澳門係分歐式同美式兩間，賣既野係唔同架！）
今次既位置就係鬧市既一條小巷入面，行入去你就會見到一間黑色玻璃屋架啦！環境好恬靜嫁，好似遠離左鬧市既繁囂咁，入到去仲幾好坐添，好大嫁，有2層，樓底都好高，完全冇壓逼感！最岩我地避下雨同食個靚lunch傾計😚😚！
睇完Menu之後（Menu超大本嫁，圖文並茂），我地就有左決定啦！就決定叫 - 三文魚牛油果卷餅 同 抹茶紅豆卷餅！
同埋我地好好彩喎！最近做緊promotion，只要like同share佢地個fb page，每點一樣野都可以加$1換1隻炸蠔，而每一樣野最多可以換3隻，換句話講，我地可以換6隻，但因為唔想太飽，我地只係換左3隻者
吉列蠔
$3
72 views
0 likes
0 comments
新鮮熱辣炸起，食落超脆！不過太厚粉啦⋯⋯蠔其實好細粒，尚算有蠔味既，1蚊隻，好抵！！合格！
三文魚牛油果卷餅
$68
69 views
0 likes
0 comments
大愛呢個班戟卷餅，薄身得黎好軟綿綿，卷起左一層層好有層次！餡料用左三文魚同牛油果，味道配搭出色，好夾又健康，唔會話牛油果/三文魚太重味，而係入口先黎一陣牛油果味再有三文魚味滲出！（屈小姐點果陣仲以為係煙三文魚，原來係熟既三文魚！隻味仲好夾添！）最要讚係佢加左生菜絲！口感加爆分之外，加左菜更加好食食！又唔會漏！
不過⋯側面D千島醬其實可以唔駛加/點，因為佢味道太霸道，會遮晒所有味，除非你真係好鍾意食千島醬啦⋯⋯
少少建議比Paddington: 如果卷餅切口位啲千島醬可以唔好咁重手/放碟邊等食客自己點就好啦！因為頭兩啖真係太多千島醬，遮哂啲味
抹茶紅豆卷餅
$64
60 views
0 likes
0 comments
老實講，呢碟野除左靚，真係太令我地失望啦⋯簡單D講係多幾層既超滯豆沙包咋
A) 賣相: ⭐️⭐️⭐️⭐️⭐️
影相呃like一流！相信冇乜人有異議！而且佢個樣其實好吸引，好似好好食咁連我地都被騙
B) 抹茶雪糕 ： ⭐️
冇抹茶既回甘味，係假綠茶味，只有甜味⋯而且好快溶，要盡快食
C) 抹茶紅豆卷餅 ：⭐️⭐️
靚就靚啦⋯一食落口個紅豆味太搶⋯勁甜，完全食唔出抹茶味⋯連綠茶味都唔覺呀！超似759賣緊果個抹茶紅豆豆沙包，唯一好過佢既只係多幾層only 最後我地要用溶左既雪糕做醬撈埋黎食先食到D，無做大哂鬼
D) 士多啤梨 ：⭐️⭐️⭐️⭐️
唔好講笑，成碟個亮點就係粒士多啤梨，又香又甜！我地即時諗到如果我地叫士多啤梨吉士卷餅應該勁好食！唯有下次試過⋯
Ps 會再幫襯個三文魚牛油果卷（少醬）！ 識簡野食其實應該好好食
#美食治癒心情
#有個爲食女朋友係幸福既
#約定你下次再試
#偶爾搵間舒服餐廳撐枱腳也不錯
Post
