蕃茄屋葡式美食

Open Now

Now Closed

18-Mar-2012 (SUN)今次嚟到起大三巴附近手信街既蕃茄屋食葡國菜。餐廳格局似西餐廳，地方不大座位不算多。一進門已經有服務生招待。我們點了阿里巴巴焗雞飯、咖哩豬扒炒飯、上湯白酒煮蜆和凍彊母奶茶。阿里巴巴焗雞飯係有飯焦用啞煲上的煲仔飯。飯質比較稀但個汁味道好特別，酸酸地咁，汁上有芝士香口非常，但雞扒肉質較淋。咖哩豬扒炒飯嘅豬扒比起雞扒就有口感得多了，咖哩有點似日式咖哩，唔會太辣但係就好香。炒飯一粒粒好爽身，唔會好油膩。白酒煮蜆蜆肉有點偏小，汁底好鮮甜，一點酒嘅苦澀味都唔覺。熱既彊母奶茶就飲得多，凍既還是第一次飲，感覺冰凍得嚟有點辣喉，糖水是自己落的，味道相當不錯。