艾薩克吐司咖啡

Open Now

Now Closed

聽講呢間Issac係韓國都相當之出名，黎到澳門就一於去拜會下，鋪頭係新馬路郵局對面嘅斜巷，都要花啲時間去搵。鋪頭位置有限，所以都要等一陣位。係Issac梗係要食佢地嘅多士，今次就叫左個火腿芝士多士同一份蜜糖雞翼。因為係即叫即整，所以都要等10-15分鐘先有得食。黎到啦，一份熱辣辣嘅火腿芝士多士，面包皮烘到脆身，面頭仲塗上蜜糖，面包食落更香甜。而中間嘅芝士半溶狀態仲可以拉下絲，一啖咬落去層次豐富，外脆內軟。而蜜糖雞翼都泡制得恰到好處，雞皮都係脆身，入面十分嫩滑，洒上芝麻令雞翼更加香。下次黎澳門掃街嘅同時都要留番個肚黎issac整件多士先得。