Video
Read full review
2004-07-09
29 views
７月５號同男朋友去左依間只有笑臉食評既餐廳食飯，會冒名而去既原因，係因為依日係我同我男朋友過既第一個生日，當然希望比個難忘又開心既Dinner佢，點知……！唉～～～～失望中既失望。Ｄ野食唔平不在話下，仲要勁咸，食到我地倆個不停飲水。我地點左個牛仔肉、葡國腸、薯蒜焗馬介休、蒜蓉蝦同埋木糖布甸。第一道菜係【葡國腸】，勁咸。我男朋友仲問我覺唔覺得咸，佢怕係佢熱氣所以食野覺得咸！>.<第二道菜係【薯蒜焗馬介休】，味道都算唔錯，咸係咸左少少，但尚可接受。~_~”第三道菜係【牛仔肉】，無味。點左Ｄ汁又覺得咸，唔點Ｄ汁又覺得無味，終於問侍應生拎左辣椒仔同茄汁！>.<第四道菜係【蒜蓉蝦】，依個菜係後加既，見個蝦咁耐都未黎，諗住可能Miss左Order，馬上問個侍應生有無落Order，諗住如果Miss左就又得佢，因為之前食既菜都咁咸，有Ｄ怕。但好可惜不核無Miss到。本住唔方好味既心態食埋個蝦，果然……唉～～～～！一蟹不如一蟹。一個字……咸！>.<最後，係個木糖布甸，可能係因為之前既菜太咸既關係，依個布甸感覺好味好多，起碼甜品一定唔會咸，如果連甜品都咸，咁
Ｄ野食唔平不在話下，仲要勁咸，食到我地倆個不停飲水。我地點左個牛仔肉、葡國腸、薯蒜焗馬介休、蒜蓉蝦同埋木糖布甸。
第一道菜係【葡國腸】，勁咸。我男朋友仲問我覺唔覺得咸，佢怕係佢熱氣所以食野覺得咸！>.<
第二道菜係【薯蒜焗馬介休】，味道都算唔錯，咸係咸左少少，但尚可接受。~_~”
第三道菜係【牛仔肉】，無味。點左Ｄ汁又覺得咸，唔點Ｄ汁又覺得無味，終於問侍應生拎左辣椒仔同茄汁！>.<
第四道菜係【蒜蓉蝦】，依個菜係後加既，見個蝦咁耐都未黎，諗住可能Miss左Order，馬上問個侍應生有無落Order，諗住如果Miss左就又得佢，因為之前食既菜都咁咸，有Ｄ怕。但好可惜不核無Miss到。本住唔方好味既心態食埋個蝦，果然……唉～～～～！一蟹不如一蟹。一個字……咸！>.<
最後，係個木糖布甸，可能係因為之前既菜太咸既關係，依個布甸感覺好味好多，起碼甜品一定唔會咸，如果連甜品都咸，咁就……！
總括黎講，依餐似食鹽，如果你味覺有問題，又或者好喜歡食咸既野，不妨一試！
P.S. Ｄ侍應生服務態度唔錯，值得加許。^_^
Post