黑沙公園葡國餐廳 (Closed)

同老公、妹妹&佢BF去澳門玩，上次老公嚟澳門影煙花嘅時候同班龍友嚟食過，本來去隔離嘅法蘭度，但太多人，排第六頁等兩粒鐘，所以去咗隔離呢間食，無諗過都好好食。老實講門面唔靚，但入咗去係另一個世界，花園有人燒烤，好有外國人Backyard搞BBQ Party嘅feel，侍應問我哋坐出面定入面，雖十一月但仍天時暑熱，我哋揀咗入面，入面嘅環境都OK。一打開餐牌見啲嘢食都幾經濟，一般都係五六十蚊，我哋叫咗6樣嘢，餐前豬仔包係送嘅：1. 馬介休炒椰菜好味，馬介休唔太碎，有咸香2. 葡國雞 (跟飯)我哋都幾肚餓，所以叫咗個飯，葡國雞分大細，我哋要咗個細，典型葡國菜，有黑水欖、葡國腊腸、洋蔥做配料，都幾好味，不過下次唔叫，留返啲quota食燒烤嘢3. 燒春雞一隻皮脆多汁，平時我怕肥唔食皮，但呢隻雞真係燒得好好，啲脂肪溶哂，皮脆卜卜4. 辣汁中蝦最好味，出預期出色，份量多，四個人一人都有四五隻，個汁唔係好辣，但好好味，下次留返面包點汁5. 燒豬肋骨OK啦，BBQ味，下次可以試吓牛6. 燒秋刀魚魚油溶哂出嚟，同雞一樣，塊皮脆卜卜，但肉淡咗啲，要落鹽我叫咗一支Corona，老公要咗菠蘿冰，妹要咗椰青，妹BF