婆仔屋1601

Open Now

Now Closed

我發覺今次同船屋食嘅野好似，不過其實呢個係係葡式海鮮飯黎嘅。呢個海鮮飯係我想再黎食嘅原因，湯底加入大量海鮮同番茄、洋蔥煮，好濃海鮮味，大蝦有4大條、仲有青口魷魚同蜆，海鮮好新鮮，但上次黎番茄味再濃d，同我回憶中嘅味道有出入呢～仲有八爪魚沙律，間間餐廳做法都有少少唔同，主要都係用洋蔥粒配熟嘅八爪魚加入香料同埋醋、香草。八爪魚大粒但食落唔會似橡筋。今年生日揀左黎呢度食生日飯，因為之前黎食過覺得好好味！幾乎係我喺澳門食過最好味嘅葡國菜，之後成日想黎但都full..難得book到生日再黎食真係好開心！我鐘意食木糠蛋糕，所以揀左佢做生日蛋糕。請餐廳寫上'happy birthday'，但原來仲有Albergue 1601字樣..木糠蛋糕質感較似雪糕，係硬身嘅，奶味好濃郁，中間分左4層，每層都灑上米糠粉，不錯！不過如果鐘意軟身嘅呢個就唔適合了。