Video
Read full review
2016-09-06
3830 views
今次同老婆細仔回港旅行，順道過澳門逛逛，品嚐一下葡國美食。兩年前同大女去過小飛象，印象中食物還不錯，晚飯時間熱鬧非常，旣然有此經驗，今次亦不作他想，結果中伏不而，更俾老婆詐型，差啲要游水番香港咁滞，真係多得小飛象唔少。上星期三六點鐘去到，見到食客疏疏落落，心中暗叫不妙，不過旣然嚟到，好歹都試吓啦。坐底睇睇餐牌，點了炭燒豬扒，茄汁海鮮焗飯，同埋葡國雞半隻。熱豬仔飽先上，擦上牛油，ok. 老婆剛去完洗手間，話見到有女待應去完厠所無洗手，我講笑話希望唔係啱啱拎豬仔飽嚟果個啦。好啦，閒話休題，首先係炭燒猪扒一步帶出。三塊中等大細嘅猪扒新鲜燒起，有些少炭香，尚可。 第二個跑出嘅係焗海鮮飯，賣相都可以，食吓食吓，老婆問我食倒啲乜嘢海鮮，我話好似暫時食到一隻淡菜咁大嘅青口，老婆心水清，數吓先，一，二，三，四隻青口仔加一隻蝦仁，其餘嘅都係青椒洋葱蕃茄。你唔係嘛，收得人一百三十蚊俾啲咁嘅嘢人哋食? 你哋食水係咪深咗啲呀。好! 跟住係包尾嘅葡國雞，白飯另叫。首先睇吓賣相，都呃得人。食落個汁好似螢光色槳糊，杰到冇朋友，碗白飯你敢收我廿蚊? 你有冇攪錯呀?终於一肚氣食完呢餐飯，老婆發哂難詐，佢話行出去俾錢同
上星期三六點鐘去到，見到食客疏疏落落，心中暗叫不妙，不過旣然嚟到，好歹都試吓啦。坐底睇睇餐牌，點了炭燒豬扒，茄汁海鮮焗飯，同埋葡國雞半隻。
熱豬仔飽先上，擦上牛油，ok. 老婆剛去完洗手間，話見到有女待應去完厠所無洗手，我講笑話希望唔係啱啱拎豬仔飽嚟果個啦。好啦，閒話休題，首先係炭燒猪扒一步帶出。三塊中等大細嘅猪扒新鲜燒起，有些少炭香，尚可。
第二個跑出嘅係焗海鮮飯，賣相都可以，食吓食吓，老婆問我食倒啲乜嘢海鮮，我話好似暫時食到一隻淡菜咁大嘅青口，老婆心水清，數吓先，一，二，三，四隻青口仔加一隻蝦仁，其餘嘅都係青椒洋葱蕃茄。你唔係嘛，收得人一百三十蚊俾啲咁嘅嘢人哋食? 你哋食水係咪深咗啲呀。
好! 跟住係包尾嘅葡國雞，白飯另叫。首先睇吓賣相，都呃得人。食落個汁好似螢光色槳糊，杰到冇朋友，碗白飯你敢收我廿蚊? 你有冇攪錯呀?
终於一肚氣食完呢餐飯，老婆發哂難詐，佢話行出去俾錢同收銀反映一下呢啲所謂嘅葡國菜。果位收錢嘅亞叔聽完之後，頭都唔駛抬，指吓隔離另外一位亞叔，大家都面無表情，咁卽係點呢? 係咪日日都聽到客人投訢聽到麻木咗? 好，我哋發誓將呢間嘢列入黑名單，永不回頭，仲同佢大賣廣告添。你哋咁做生意，唔怪得之越做越靜啦，祝你好運。
Post
