Video
Read full review
2010-01-20
42 views
上兩個星期同gf 去左澳門2日1夜自由行夜晚我地去左氹仔尼一間叫山度士葡式餐廳食晚飯, 之前果一日已經plan好左會到尼一間食葡國野架啦~ 果晚去完威尼斯人之後坐幾十蚊的士, 落左車之後搵左一陣, 終於搵到啦~~~我覺得氹仔個到既環境已經好舒服好正架啦, 入到去山度士果到, 見到裡面既佈置都幾特別, 有d球隊旗掛係牆上面~後來睇反d書講, 原來老闆山度士係個球迷, 之前佢係軍艦掌廚既, 1983年退休之後到澳門開餐廳, 都有成20年了...搵坐個靚位, 我地就點野食啦~ 我叫左好出名既乳豬伴薯條 , 幾個馬介休球, 一碟燒八瓜魚伴葡式搞爛左既麵包! 首先要講下d乳豬~ 好正好好味, d皮好脆好香口, 乳豬肉質都適中ok, 係偏肥左少少, 但都無問題, 好好味! 要讚下山度士d 薯條, 一定要吃, 好食過m記果d好多好多倍!!馬介休球方面, 味道好好, 唔會太咸, 之前食過帆船餐廳果d 就覺得太咸, 相比之下山度士好好多! 佢地既馬介休球係散叫, 你可以叫幾多個都得, 老闆真係好體會客人既需要!!至於燒八瓜魚伴葡式搞爛左既麵包, 我覺得d 葡式搞爛左既麵包好特別, 有好香既蒜香味, 係香
夜晚我地去左氹仔尼一間叫山度士葡式餐廳食晚飯, 之前果一日已經plan好左會到尼一間食葡國野架啦~ 果晚去完威尼斯人之後坐幾十蚊的士, 落左車之後搵左一陣, 終於搵到啦~~~
我覺得氹仔個到既環境已經好舒服好正架啦, 入到去山度士果到, 見到裡面既佈置都幾特別, 有d球隊旗掛係牆上面~後來睇反d書講, 原來老闆山度士係個球迷, 之前佢係軍艦掌廚既, 1983年退休之後到澳門開餐廳, 都有成20年了...
搵坐個靚位, 我地就點野食啦~ 我叫左好出名既乳豬伴薯條 , 幾個馬介休球, 一碟燒八瓜魚伴葡式搞爛左既麵包! 首先要講下d乳豬~ 好正好好味, d皮好脆好香口, 乳豬肉質都適中ok, 係偏肥左少少, 但都無問題, 好好味! 要讚下山度士d 薯條, 一定要吃, 好食過m記果d好多好多倍!!
馬介休球方面, 味道好好, 唔會太咸, 之前食過帆船餐廳果d 就覺得太咸, 相比之下山度士好好多! 佢地既馬介休球係散叫, 你可以叫幾多個都得, 老闆真係好體會客人既需要!!
至於燒八瓜魚伴葡式搞爛左既麵包, 我覺得d 葡式搞爛左既麵包好特別, 有好香既蒜香味, 係香港食唔到, 八瓜魚訪面就一般啦, 不過都好好食, 唔會太硬同難消化, 同埋都好大碟.
我地兩個人都食唔晒d 野... 已經好飽啦!~~ 之後埋單都係$222, 即每人消費都係 $111~ 幾抵食呀!
下次去澳門一定會再去山度士到食!!!
Post