Video
Read full review
2014-12-25
1723 views
水舞間劃位之後，得一個小時食午餐，我買A區位置會送兩張50蚊現金劵，新濠天地新開SOHO區用！Hard Rock Cafe都可用，難得過到來！當然要試下！去到見門口已經好有聖誕節氣氛，店內以深木傢俬為主，燈光昏暗，播住美國流行曲MV!氣氛好熱鬧！事先問定男員工夠時間在5時前走,去睇show,佢話無問題先坐低（如果佢無保證，到時廚房出貨慢就慘了）佢仲比個好靚嘅半圓梳化卡位我！張枱夠大，坐得停舒服，全程都係呢位男店員serve我，美式餐廳見小朋友即刻比份畫具（唔好嘈）我其實仲想早啲去水舞間門口影相！所以快快叫個漢堡餐加兩杯特飲！飲品好快到：石榴莓果雜飲（$82）--棗紅色好靚！石榴糖漿，雜莓糖漿，檸檬水，加雪碧,味道酸甜，杯邊仲沾有一圈糖（好似落雪），石榴味特別！好味！櫻桃檸檬水（$82）--賣相靚！芒果茸，橙汁，紅牛（第一次見用紅牛溝cocktail!其實味道以橙味為主，份量大杯抵飲（比起另一杯個高腳杯）即係平時嘅橙雜！之後個漢堡到：傳奇10盎司漢堡（$158）--好大份，男店員仲細心地問我要唔要切半！會用長竹籤拮住唔會散，麵包外脆內軟，好鬆軟，牛肉好厚，好多肉汁，多到滴汁！芝士半溶、煎
飲品好快到：
石榴莓果雜飲（$82）--棗紅色好靚！石榴糖漿，雜莓糖漿，檸檬水，加雪碧,味道酸甜，杯邊仲沾有一圈糖（好似落雪），石榴味特別！好味！
櫻桃檸檬水（$82）--賣相靚！芒果茸，橙汁，紅牛（第一次見用紅牛溝cocktail!其實味道以橙味為主，份量大杯抵飲（比起另一杯個高腳杯）即係平時嘅橙雜！
之後個漢堡到：
傳奇10盎司漢堡（$158）--好大份，男店員仲細心地問我要唔要切半！會用長竹籤拮住唔會散，麵包外脆內軟，好鬆軟，牛肉好厚，好多肉汁，多到滴汁！芝士半溶、煎到脆身嘅煙肉！(好罪惡）酸瓜蕃茄生菜放碟邊，好新鮮爽脆，薯條尤其正，新鮮炸起，熱到辣手！粗身，外脆內軟，重薯味，！我一落單叫漢堡，男店員就拎定茄汁用芥辣比我！
因為趕時間，薯條未食完都走。問男店員攞個紙袋，佢比一個靚盒加紙袋！埋單收了我兩張現金劵！要$256，最好笑我碌卡寫齊頭！佢同我講唔使比多，都係公司袋（好坦白！）每個員工都好nice好好笑容, 不停Merry Christmas!
40分鐘食一餐豪華快餐！仲趕得切影相！
Post
