媽閣銘記澳葡美食

Open Now

Now Closed

好多時過澳門都係為左搵好野食，朋友講呢間餐廳水準唔錯於是過來試吓。我哋叫咗馬拉盞炒西蘭花，原隻燒春雞，同蒜蓉焗銀鱈魚，另外叫咗杯檸檬可樂。馬拉盞炒西蘭花嘅軟硬度適中，岀街好怕食到好硬嘅西蘭花，但呢個就唔會，而且馬拉盞嘅調味十分惹味，大開胃口！原隻燒春雞，一隻份量夠二至三人食，睇個樣普普通通咁，但一用叉吉落去，就可以見到雞肉非常多汁，而且外皮係用醃料醃過，即使唔點醬汁都夠味道，而雞肉食落好滑，鮮嫩多汁，大讚！蒜蓉焗銀鱈魚係另一驚喜，銀鱈魚焗得剛好，魚肉入口即溶，蒜蓉加一份香氣，旁邊有兩舊薯仔，亦係焗得好淋，正！檸檬可樂嘅設計好好，成支俾你倒，唔會因為多冰而少咗。