Video
Read full review
2018-04-07
8757 views
不嬲對葡國菜嘅印象麻麻，所以同家人嚟咗澳門咁多次，都冇特意走入一間葡國餐廳搵食。朝早喺氹仔食完早餐，十二點零，路過呢間望落平實嘅小店，畀佢門口掛住一塊寫上fully booked嘅紙牌吸引住。心諗呢間餐廳真係咁fully booked！即刻上Openrice摷下呢間餐廳嘅資料，見到佢整體評分唔低，於是入去問下今晚三位六點半仲有冇位。餐廳侍應全部係葡國人，其中一個侍應用啲算係流利嘅廣東話同我講，話今晚full晒，剩番近門口貼住bar枱嘅一張二人枱，問我要唔要。要囉！黃昏六點半準時入座。入座前已上Openrice搵啲食家指點迷津。我哋一家三口就咁決定。開始上菜時，侍應送上三個豬仔包。馬介休球＄４８／三件。上枱時嘅馬介休球係剛剛炸起，食時要小心辣咀。馬介休球外皮炸得脆而不硬，內裡夾住馬介休嘅薯茸軟滑得嚟味度適中唔覺鹹。不過＄４８三件size偏細嘅馬介休球就嫌貴咗啲。(3.5分/5分)炒蜆＄１４５。啲蜆有番咁上下大隻同肥美，碟蜆仲炒得鑊氣足同夠香，加咗少少辣令到碟蜆更加惹味。海鮮飯＄１６８。呢個蕃茄湯底嘅海鮮飯，海鮮配料一啲都唔馬虎，有蝦，蟹，青口同魷魚。最鍾意佢上枱時係熱辣辣，食耐咗都唔會咁
朝早喺氹仔食完早餐，十二點零，路過呢間望落平實嘅小店，畀佢門口掛住一塊寫上fully booked嘅紙牌吸引住。心諗呢間餐廳真係咁fully booked！即刻上Openrice摷下呢間餐廳嘅資料，見到佢整體評分唔低，於是入去問下今晚三位六點半仲有冇位。
餐廳侍應全部係葡國人，其中一個侍應用啲算係流利嘅廣東話同我講，話今晚full晒，剩番近門口貼住bar枱嘅一張二人枱，問我要唔要。要囉！
黃昏六點半準時入座。入座前已上Openrice搵啲食家指點迷津。我哋一家三口就咁決定。開始上菜時，侍應送上三個豬仔包。
馬介休球＄４８／三件。上枱時嘅馬介休球係剛剛炸起，食時要小心辣咀。馬介休球外皮炸得脆而不硬，內裡夾住馬介休嘅薯茸軟滑得嚟味度適中唔覺鹹。不過＄４８三件size偏細嘅馬介休球就嫌貴咗啲。(3.5分/5分)
炒蜆＄１４５。啲蜆有番咁上下大隻同肥美，碟蜆仲炒得鑊氣足同夠香，加咗少少辣令到碟蜆更加惹味。
炒蜆
$145
207 views
2 likes
0 comments
海鮮飯＄１６８。呢個蕃茄湯底嘅海鮮飯，海鮮配料一啲都唔馬虎，有蝦，蟹，青口同魷魚。最鍾意佢上枱時係熱辣辣，食耐咗都唔會咁快凍。
海鮮飯
$168
239 views
1 likes
0 comments
燒排骨＄１４５。伴碟嘅薯條係新鮮炸，所以熱得嚟個心仲好軟腍，食到唔多想停，可惜份量唔多。排骨燒得夠香，不過幾條排骨就真係好排骨，冇乜肉，多番啲肉會好好多。
燒排骨
$145
215 views
0 likes
0 comments
雞蛋布甸＄５２。最後食番個甜品嚟埋尾。本來係揀木糠布甸，不過餐廳話木糠布甸兩日前已賣晒。吓，乜木糠布甸唔係日日新鮮做咩，點解仲講緊兩日前嘅嘢嘅！不過卒之都叫咗雞蛋布甸。淋上焦糖嘅雞蛋布甸唔係特別滑，但感覺幾香幾唔錯。
雞蛋布甸
$52
163 views
0 likes
0 comments
當晚因為要趕搭船返香港，餐飯食咗只有一個鐘，但已足夠令我對葡國菜改觀。
今次用餐嘅經驗話畀我知，想喺澳門食到好嘢，一定要避開一啲傳統多人光顧嘅名店。呢啲鋪頭總令我覺得不外如是或不及所料。用心去發掘一啲小店或會有意想不到嘅收穫。
Post
