毛記海鮮飯店

Open Now

Now Closed

今天看完水舞間，反正一場來到，不如吃罷晚飯才回港吧。自2006年已經幫襯這家老式食肆，每次水準都能夠保持；今次幅相比較核凸，因為實在好好味，想趁熱食而完全忘記影低做記錄。簡簡單單的家常菜，薑汁芥蘭炒得爽口又香薑汁味，涼瓜煎蛋的蛋香到隔離台都聞到，似乎加了鴨蛋(仲要特價MOP 20!!!)，煎曹白又好送飯到可以一小件爬一碗飯；鹽焗雞的鮮味恍惚讓味蕾重嚐兒時在東江樓醉瓊樓吃到靚雞的滋味.........當然還有活於鹹淡水交界的烏魚，今次嘗試不清蒸而用椒鹽，骨頭已經脆到可以吞埋!五個菜埋單才二百多，仲想點？