新波爾圖 (Closed)

同長輩去威尼斯人玩完老虎機，未到晚飯時間就去左食野，去旅行不定時猛食是常識吧！唔洗搭車，威尼斯人行到過去官也街，半個鐘左右。呢間餐廳主打唔係豪華，有葡國風格嘅拱型裝飾牆做裝飾，環境都幾舒服。有餐有散叫，餐入面無長輩想食嘅野，咁就散叫啦，其實價錢唔差好遠。葡式白酒燴蜆 - 好香酒嘅甜味，帶出蜆嘅鮮味，好食！原條龍脷柳 - 乾，點醬食還可以。招牌血鴨 - 好燶鴨味，肉質都唔錯。價錢係旅遊區算中路，近近地唔搭車嘅葡菜選擇。