盛記白粥

Open Now

Now Closed

一朝早個肚勁餓，就黎到盛記白粥品嚐早餐。同行友人叫左蘿蔔糕， 燒賣腸粉，我就叫咗份炸兩。蘿蔔糕十分之大份，兩個人share食都得，十分足料。燒賣亦都好大粒，朋友話係由魚肉製成，十分彈牙。而腸粉所用嘅醬料，例如辣椒醬，豉油，芝麻等等都放喺哂係枱面，你想點加就點加！我叫個份炸兩反而就一般般，油炸鬼亦都冇想像中咁脆。早餐後甜品就叫咗期待已久嘅芒果豆腐花同埋綠茶豆腐花。芒果豆腐花果然係冇新鮮芒果係入面， 聞到就好香芒果啫喱粉味，食落就有啲失望因為芒果味就唔係好食到，而豆味又食唔到。不過幾蚊一碗嘅豆腐花，的而且確不能期望過高。反而綠茶豆腐花就另外有驚喜啦，食落去有味香嘅綠茶味， 唔會又苦又澀，仲滑嘟嘟添！