澳門陸軍俱樂部

Open Now

Now Closed

上一次去澳門打的士，問起的士司機澳門有邊間係吃正宗葡國菜，師傅就介紹咗澳門陸軍俱樂部俾我地，所以呢次嘅澳門之旅第一間就嚟咗澳門陸軍俱樂部... 事前已經打電話訂位，其實如果吃lunch嘅話直接walk in即可，不過记得係陸軍俱樂部係有dressing code嘅，不過牛仔褲都ok嘅... 陸軍俱樂部中午係有提供自助餐嘅，138 mop＋10%，不過我地都係散點就算... 一坐低，適應就會夾兩塊麵包俾你，而且係會不停甘加俾你嘅，口感尚算可以，不過就嫌有少少“霖霖地”... 先點咗葡式青菜汤，汤有水準，中間塊包係亮點，比餐包好吃太多，夠“煙韌”... 跟住上嘅係葡式烤乳豬，乳豬皮夠脆，皮底嘅肉烤得剛剛好，肉汁封存得好，夠嫩夠味道... 係op見到大家頭推介呢度嘅焗鴨飯，不過餐單已經換咗，所以order咗一份馬介休拌飯，馬介休好入味，而且d拌飯吸收咗海蜆嘅鮮味，都唔錯... 飯後甜品就點咗件杏仁蛋糕，蛋糕都夠滑，不過就略甜咗少少，可能歐洲個邊d人比較中意吃甜... 過咗中午一點之後，開始越嚟越多嘅外國人（應該係熟客）嚟吃飯，確實吃葡國菜幾夠正宗！