Video
Read full review
2004-12-18
37 views
今次是我第一次去澳門玩，咁我朋友都未去過，所以去之前上網搵左好多資料。呢間餐廳係我地所搵既資料之中一致獲得好評，所以我地第一晚就去左仔搵呢間餐廳。呢間餐廳位於官也街旁的橫街，如果唔係之前搵左資料都未必識去。餐廳樓上是廚房，樓下可容納20個人。我地六點鐘去到諗住book位先，點知去到的時候已經俾人book晒位，好彩我地得兩個人，勉強可以坐一張二人。Book位既時候，個阿姐不厭其煩解釋我地對所有菜式的提問。佢仲極力推介焗葡國雞($88)，話第一次去就一定要試，結果我地叫左半隻焗葡國雞同埋一個咖哩蟹($10/兩)，隻蟹仲係要特登去街市買。阿姐話D野食好大碟，叫兩碟已經夠晒飽，果然老實。之後我地七點鐘再返去間餐廳度已經坐滿晒人。我地叫左一樽水果酒($50)加七喜，支水果酒係老闆自己釀製，用三種烈酒加水果而成，很容易入口，亦都很容易飲醉，我地都唔係飲得之人，所以叫左兩罐七喜溝酒飲。但我地未上菜前飲左唔夠兩杯就已經面紅耳赤。等左十零二十分鐘就有野食，首先係焗葡國雞，真係好大碟，一上香味撲面而來，買相同香港平時食開既好唔同，食落口一D辣味都無，最唔食得辣既我。跟住就係咖哩蟹，一樣好大碟，D汁有小小辣
呢間餐廳位於官也街旁的橫街，如果唔係之前搵左資料都未必識去。餐廳樓上是廚房，樓下可容納20個人。我地六點鐘去到諗住book位先，點知去到的時候已經俾人book晒位，好彩我地得兩個人，勉強可以坐一張二人。
Book位既時候，個阿姐不厭其煩解釋我地對所有菜式的提問。佢仲極力推介焗葡國雞($88)，話第一次去就一定要試，結果我地叫左半隻焗葡國雞同埋一個咖哩蟹($10/兩)，隻蟹仲係要特登去街市買。阿姐話D野食好大碟，叫兩碟已經夠晒飽，果然老實。
之後我地七點鐘再返去間餐廳度已經坐滿晒人。我地叫左一樽水果酒($50)加七喜，支水果酒係老闆自己釀製，用三種烈酒加水果而成，很容易入口，亦都很容易飲醉，我地都唔係飲得之人，所以叫左兩罐七喜溝酒飲。但我地未上菜前飲左唔夠兩杯就已經面紅耳赤。
等左十零二十分鐘就有野食，首先係焗葡國雞，真係好大碟，一上香味撲面而來，買相同香港平時食開既好唔同，食落口一D辣味都無，最唔食得辣既我。跟住就係咖哩蟹，一樣好大碟，D汁有小小辣，但係好野味。因為我朋友食得辣，所以佢話一D都唔覺得咖哩蟹辣。我地叫左兩客仔包點D汁食，雖然已經好飽，但D汁實在太好味，所以我地叫多一個飯撈汁食。我地都覺得D汁撈飯好食過點仔包。最後我地食晒D汁，反而剩返兩舊葡國雞食唔晒。
至於果樽水果酒，我地後尾加冰先可以飲得晒，加左七喜同冰溝淡左之後既味道同EL CID既水果酒差唔多。
食完餐飯之後，老闆兼廚師落左樓下同每張傾偈，十分健談。
唯一可挑剔既係價錢比較貴，我地食既咖哩蟹有成十九兩重(個阿姐之前話大約十二至十四兩架)，計番都要成$190，但就保證新鮮，因為隻蟹係我地6點鐘訂落order之後先去街市買，唔係雪藏蟹。
Post