Le Pic

Open Now

Now Closed

🥪布蕾西多士(開心果醬、開心果碎、水果、雲呢拿雪糕、榛子)($78) 即係焦糖燉蛋西多士，面層有脆卜卜嘅炙燒焦糖片🔥，而麵包入面有濃郁嘅玉桂香味，而且同焦糖燉蛋嘅軟滑感覺差唔多😋，仲有一啲蛋奶嘅香味，配埋生果同埋雪糕🍨一齊食好正！不過醬汁食唔出開心果味，得開心果碎有少少味，爭咗重點嘅開心果元素🥹。🥐開心果蝸牛牛角包($56)外層嘅酥皮係硬脆類型，不過比較硬，同埋有少少苦味🤨。去到中心位置先有開心果醬，質地好濃郁好邪惡🤤，不過味道得淡淡嘅果仁味，開心果味應該要濃啲先正。🍹玫瑰荔枝冷萃茉莉($44)飲到荔枝嘅香甜味道，仲有淡淡嘅玫瑰同埋茉莉香味🍵，味道偏淡。有荔枝果肉，口感唔錯。