Video
Read full review
2019-09-23
912 views
每次去澳門，世記都係我既必食清單入面。氹仔官也街分店對於每次都係住氹仔既我黎講非常方便！官也街分店只可以外賣，雖然夏天企係街出面食真係幾辛苦，但世記既厚蛋豬扒包總係令人有種魔力令到你幾熱幾辛苦都要食！-厚蛋豬扒包 $56熱辣辣到手～豬仔包烘得好香脆，豬扒醃得岩岩好，而且唔會炸到乾哂身，仲好Juicy。厚蛋生熟度控制得好好，入面好綿滑，仲保留到有蛋汁！要擘到個口勁大先食得哂成個包，豬仔包既香脆、炸豬扒既啖啖肉同厚蛋既軟滑好夾，真係好正呀！-厚蛋豬扒多士 $56豬仔包就次次都食啦，今次試埋多士版。多士雖然都有烘過，但明顯無豬仔包咁香脆，不過勝在無豬仔包咁硬，比較容易一啖咬哂所有餡。-花生奶油方塊 $27雖然已經好飽，但都要試埋佢！奶油方塊每一面都佈滿花生、花生醬同煉奶，超濃花生味～～～～加上烘到超鬆脆，好正呀，難怪咁多人推介！
-
厚蛋豬扒包 $56
熱辣辣到手～豬仔包烘得好香脆，豬扒醃得岩岩好，而且唔會炸到乾哂身，仲好Juicy。厚蛋生熟度控制得好好，入面好綿滑，仲保留到有蛋汁！要擘到個口勁大先食得哂成個包，豬仔包既香脆、炸豬扒既啖啖肉同厚蛋既軟滑好夾，真係好正呀！
-
厚蛋豬扒多士 $56
豬仔包就次次都食啦，今次試埋多士版。
多士雖然都有烘過，但明顯無豬仔包咁香脆，不過勝在無豬仔包咁硬，比較容易一啖咬哂所有餡。
-
花生奶油方塊 $27
雖然已經好飽，但都要試埋佢！
奶油方塊每一面都佈滿花生、花生醬同煉奶，超濃花生味～～～～加上烘到超鬆脆，好正呀，難怪咁多人推介！
Post
