葡韻美食店 (Moved) New Location

室內還境寬敞，整潔，重有香港電視睇。之前一晚打電話來訂枱，想訂埋燒豬，老闆說不用訂，一定有貨，點知我地嚟到佢又話賣晒，失望。因為我們是第一枱客，所以餸菜上得好快，又夠熱！餐前麵包很好吃，不過要五蚊一個就比較貴喇。忌廉焗馬介休 -- 魚很滑，加埋忌廉一齊煮，好香好香，係咸咗少少啫。葡國雞飯 -- 好味道！啲雞焗完都唔會鞋，多肉汁又入味，飯焦重好味！燒豬手 -- 最欣賞的一道菜，肉質一啲都唔乾重好林，雖然有好大塊豬皮，都唔會油油咁，咸味啱啱好，之前食過啲豬手會好咸。一隻份量5-6個人食最好。炸蝦餅 -- 一定要試，外面的麵包糠炸得很酥脆，餅內的涵料呈忌廉狀，咸咸甜甜的，很特別。六個胃口細的人，埋單$644，份量唔係太多，我覺得貴咗少少，去澳門食地道菜價錢應該可以再抵啲。