Video
Read full review
2012-06-28
1280 views
端午節假期, 出外走一走, 過了大海一躺﹗曾經去過琶州威斯汀, 都留下深刻印像, 因為第一次食到白色吞拿魚生, 好鮮甜爽脆。雖然澳門威斯汀的位置近海(出門口就係黑沙灘), 交通不太方便, 但由氹仔坐的士, 都只係MOP55.-. 估唔3:45到去到話無房, 要等到5:00才有, COUNTER小姐就送咗2張WELCOME DRINK COUPON俾我地, 無法為有邊食邊等。係大堂LOUNGE叫咗一杯好似雜果賓治酒精凍飲, 好似利賓立, 飲到有紅酒, 味道一般, 齋飲真係好齋, 於是叫咗一客羊奶芝士配蜜糖脆飽(MOP40.-+15%=MOP46.-), 等咗約10分鍾, 終於有得食, 麥包內有黑芝麻, 而且烤得金黃而且好脆, 芝士味不會太濃, 而且蜜糖將芝士蘇味中和, 很好配搭 , 而且仲有新鮮沙律菜伴碟, 很新鮮之餘, 仲加了小小OLIVE OIL同小小調味, 看得出廚師用心。係品嚐緊時侯, COUNTER 小姐走過來俾張房咭我, 都好只係4:30。雖然要等唔多高興, 但可以食到好味下午茶, 條氣都暢順了。7:30係開餐時間了, 經下午經驗, 對晚上BUFFET亦抱有希望, 果然沒有失
曾經去過琶州威斯汀, 都留下深刻印像, 因為第一次食到白色吞拿魚生, 好鮮甜爽脆。
雖然澳門威斯汀的位置近海(出門口就係黑沙灘), 交通不太方便, 但由氹仔坐的士, 都只係MOP55.-. 估唔3:45到去到話無房, 要等到5:00才有, COUNTER小姐就送咗2張WELCOME DRINK COUPON俾我地, 無法為有邊食邊等。
係大堂LOUNGE叫咗一杯好似雜果賓治酒精凍飲, 好似利賓立, 飲到有紅酒, 味道一般, 齋飲真係好齋, 於是叫咗一客羊奶芝士配蜜糖脆飽(MOP40.-+15%=MOP46.-), 等咗約10分鍾, 終於有得食, 麥包內有黑芝麻, 而且烤得金黃而且好脆, 芝士味不會太濃, 而且蜜糖將芝士蘇味中和, 很好配搭 , 而且仲有新鮮沙律菜伴碟, 很新鮮之餘, 仲加了小小OLIVE OIL同小小調味, 看得出廚師用心。係品嚐緊時侯, COUNTER 小姐走過來俾張房咭我, 都好只係4:30。雖然要等唔多高興, 但可以食到好味下午茶, 條氣都暢順了。
7:30係開餐時間了, 經下午經驗, 對晚上BUFFET亦抱有希望, 果然沒有失望。每位MOP328+15%.會員有8折, 但公眾假期得9折。
室內枱數不多約10多枱, 都坐滿了, 環境很好, 不會很嘈, 露天位置較多, 所以亦不缺BBQ食品。BBQ打頭陣, 曾熱嘛﹗
BBQ 食品:
牛仔骨
燒雞全翼
粟米(唔夠甜)
燒大蝦
牛油雜菜包(好香, 而且有鮮冬菇, 露笋)
同場仲有湯麵同鐵板燒, 但沒有試到。
冷盤：
海鮮: 琵琶蝦(比較差, 淋字字), 蝦, 生蠔(數量不多, 細小但清甜), 青口(好大隻呀), 翡翠螺, 煙salmon, 魚生有3種:三文魚, 吞拿魚同劍魚(爽甜), 仲有幾款壽司
其它: 好新鮮沙律菜, 生牛肉配水牛芝士及松子(encore 咗2次), 酸辣鳯爪, 越南紙春卷, 芝士除了軟硬外, 仲有車打芝士同風乾火腿(good)
湯:中式有粉葛赤小豆(夠火口), 西式是周打魚(有水準)同忌廉mushroom
熱葷：
酸甜椒炆大魚, 芝士西籣花, 蛋煎pork(夠淋, 無soda粉), 超滑無根好好味beef, 炸越式春卷, 乳豬, 滷水鴨, 燒春雞, 仲有幾款葡式菜, 有點像咖哩牛同羊, 仲有黃ginger飯, 好豐富﹗
甜品 :
有細細碟, 好適合多心細胃的我, 有double朱古力, blueberry chesse cake, mango 布甸, 朱古力泉, 同bread pudding; 最值得提有一個大熱葷盤, 似為係焗蛋糕, 原來係好大個朱古力軟心蛋糕(好warm & 好正), 當然唔少得hagaz-das, 雖然唔多得2隻味, 都好滿足﹗
因為大家都掛住食, 無影到相﹗ 但好想同大家分享這餐, 值得為大家推薦, 我也會再去, 係香港好難可以食到平靚正的自助餐了﹗
Post