Video
Read full review
2019-06-22
1545 views
15-6-2019 (Sat)同老公傍晚,同老公由漁人碼頭搭車返議事庭前地,中間一個巴士站冇咗卻要去到火船頭街至有,不過經過亞美打利庇盧大馬路時,見到有好多人排隊買小販檔牛雜,好彩我哋要行返轉頭,咁就可以食喇.我哋等咗12分鐘買到,由於唔知價錢係點,同埋見前面客人嘅份量都唔少,老公話要MOP30.00牛雜,老闆娘話即係兩串牛雜,冇盒.我哋唔緊要.然後都要埋一串魚蛋同響鈴,盛惠MOP47.00,最後佢都係俾個盒我哋.眼見老闆娘真係差唔多夾齊所有牛雜俾我哋,最後至加魚蛋同浸熟3件響鈴,亦會問客人要唔要辣?我哋就唔要.之後老公自己加醬.魚蛋唔係太爽口彈牙.味道:2.5分響鈴索晒牛腩汁,但腐竹味仍有,好食.味道:5分而牛雜有腸,肺,腩同肚,不過本身冇金錢肚.除咗肺係一定腍外,其他口感都適中,鹹淡又適中,好味.不過老公話腩汁唔夠濃.味道:4.5分
我哋等咗12分鐘買到,由於唔知價錢係點,同埋見前面客人嘅份量都唔少,老公話要MOP30.00牛雜,老闆娘話即係兩串牛雜,冇盒.我哋唔緊要.然後都要埋一串魚蛋同響鈴,盛惠MOP47.00,最後佢都係俾個盒我哋.
眼見老闆娘真係差唔多夾齊所有牛雜俾我哋,最後至加魚蛋同浸熟3件響鈴,亦會問客人要唔要辣?我哋就唔要.之後老公自己加醬.
魚蛋唔係太爽口彈牙.
味道:2.5分
響鈴索晒牛腩汁,但腐竹味仍有,好食.
味道:5分
而牛雜有腸,肺,腩同肚,不過本身冇金錢肚.
除咗肺係一定腍外,其他口感都適中,鹹淡又適中,好味.不過老公話腩汁唔夠濃.味道:4.5分
Post
