Video
Read full review
2024-09-18
268 views
難得去澳門見一見朋友，同佢喺官也街附近行緊嘅時候，佢就推薦我食呢間餐廳。食完之後覺得冇介紹錯，價錢合理但係份量真係好多，飽到我捧住個肚走，係間餐廳都渡過咗一個好愉快嘅下午。‣ 精選芝士&冷肉拼盤拼盤分別採用咗兩隻唔同嘅芝士，一款口感比較順滑，而另一款就奶香十足，而拼盤上面嘅火腿鹹香十足，同芝士搭配埋一齊真係相得益彰。隔離仲有多士同埋果醬，食芝士一定要飲紅酒先有感覺。‣ 葡式牛肉串燒佢嘅牛肉串燒一擺上枱嘅時候就覺得好靚，真係睇到佢啲肉汁滴晒落嚟，啲肉都大大嚿。而我都好鍾意佢嘅蕃薯條，係相當有心機嘅一道菜式，蕃薯條炸得酥脆而又相當甘甜。‣ 酥皮蘑菇忌廉湯‼️超級推薦‼️佢嘅酥皮湯係相當值得嗌，包裹住嘅酥皮焗得相當酥脆，而本身忌廉湯已經十分之濃郁香滑，配埋一齊飲嘅時候真係覺得好香又好幸福，令人覺得好滿意。‣ 炙烤馬介休鱈魚嘅肉質好細膩，咬落去嘅時候覺得相當彈牙而又毫無腥味，啲肉保持到濕潤而又鮮甜，而本身橄欖油、大蒜同埋唔同嘅香草作調味，已經令到成個菜式香味撲鼻。魚肉好大份，但係仲有薯仔伴碟，真係食到捧住個肚走。‣ 葡式白酒風味什錦海鮮扁麵白酒醬汁味道好醇厚，海鮮嘅份量亦都相當多，有蜆、蝦同埋魷魚
‣ 精選芝士&冷肉拼盤
拼盤分別採用咗兩隻唔同嘅芝士，一款口感比較順滑，而另一款就奶香十足，而拼盤上面嘅火腿鹹香十足，同芝士搭配埋一齊真係相得益彰。隔離仲有多士同埋果醬，食芝士一定要飲紅酒先有感覺。
‣ 葡式牛肉串燒
佢嘅牛肉串燒一擺上枱嘅時候就覺得好靚，真係睇到佢啲肉汁滴晒落嚟，啲肉都大大嚿。而我都好鍾意佢嘅蕃薯條，係相當有心機嘅一道菜式，蕃薯條炸得酥脆而又相當甘甜。
‣ 酥皮蘑菇忌廉湯
‼️超級推薦‼️佢嘅酥皮湯係相當值得嗌，包裹住嘅酥皮焗得相當酥脆，而本身忌廉湯已經十分之濃郁香滑，配埋一齊飲嘅時候真係覺得好香又好幸福，令人覺得好滿意。
‣ 炙烤馬介休
鱈魚嘅肉質好細膩，咬落去嘅時候覺得相當彈牙而又毫無腥味，啲肉保持到濕潤而又鮮甜，而本身橄欖油、大蒜同埋唔同嘅香草作調味，已經令到成個菜式香味撲鼻。魚肉好大份，但係仲有薯仔伴碟，真係食到捧住個肚走。
‣ 葡式白酒風味什錦海鮮扁麵
白酒醬汁味道好醇厚，海鮮嘅份量亦都相當多，有蜆、蝦同埋魷魚，海鮮嘅鮮味被白酒嘅香味提升咗一個層次，鍾意意粉帶啲微微嘅酒香嘅人絕對唔可以錯過。
‣ 木糠布甸
木糠布甸同我想像中出入唔大，忌廉夠細膩，再加埋餅乾碎就可以中和咗嗰種甜味，令到個甜品甜而不膩。
‣ 葡式水果酒
酒入面嘅水果粒同紅酒本身真係完美結合，果味好濃郁，但係又唔會太過搶戲，令到飲落去嘅時候口感相當輕盈，但係同時都好有層次感。
Post
