公雞葡國餐廳

Open Now

Now Closed

來到澳門一定會去大三巴走一轉，行返落嚟議事亭前地已經差不多黃昏時間，早早地搵地方食嘢唔使同人逼，過咗馬路喺對面斜路行上一分鐘便會找到公雞這間葡國菜餐廳。到了晚上7時許，餐廳差不多坐滿了。店內裝修好有特色，很別緻，周圍放滿各種公雞擺設，牆上可以看到許多葡式磁磚。有些角落嘅枱都很適合暢飲談天。點了兩個湯，香濃蝦湯及甜甜南瓜湯，跟暖暖的軟軟豬仔包上。馬介休球，馬介休唔會好鹹，配薯蓉炸戍馬介休球，十分香口。葡國菜一定唔少得葡國雞，汁好香，雞件好大塊，入味唔嚡口，好啱小朋友食。葡式焗乳豬，呢個推介一定要試，例牌都有六至七件，熱辣辣，皮脆肉香，完全同一般廣東燒乳豬唔一樣，皮是薄一點，脆口一點。葡腸炒雜菌，熱騰騰上枱，炒得好香口。腸仔蝦仁辣意粉，這個食落比較辣，蝦仁爽口彈牙。點咗兩杯飲品，蘋果汁及柑桔檸檬，賣相都好吸引。一家三口食到飽飽，大家都好滿意這餐葡國菜，質素算上品。