肥仔文美食

Open Now

Now Closed

原本嚟到澳門都無諗住食粵菜，但喺見好多人都推介，所以今次就嚟試下「肥仔文美食」。酥炸鯪魚球（8球）呢碟炸鯪魚球真心推薦俾大家，因為真喺好好食🤤🤤。新鮮炸起非常熱辣辣，表面好香脆，內層又軟綿綿，又有魚肉嘅彈牙，拎嚟送酒就一流。椒鹽栗米（辣）見隔離枱有點到呢碟，所以就叫咗嚟食。只可以講唔食得辣嘅未必頂得順，因為真喺好辣。但其實味道嚟講喺好食嘅，有避風塘嘅味道，栗米又鮮甜多汁。生菜鴨絲粥呢碗粥就非常好食，粥底夠綿，食落會有清甜味，食得出唔喺味精味嚟，因為食完條脷無擦十十。生菜切到好細，每一啖都食到生菜絲同鴨絲，所以啖啖都好和味。