銀座迴轉壽司

Open Now

Now Closed

比較遲入座，大約21:00多啲，見佢門口寫住營業時間到23:00，都應該無問題，我同老婆都係啲食飯比較快嗰類人，有一個鐘基本上完全無問題。點知入門口，個門口個姐仔同鬼講，21:30 last order!吓！你無嘢呀，收23點，21:30 last order!完全唔係做生意。不過時間都唔早，走去第二間又驚分分鐘話打佯，都有20分鐘落單，算啦。照入去食。都唔使10分鐘叫咗9種壽司，一個味噌湯，一個炸雞。上菜都好快，食咗一半，打算叫多幾款壽司食。望吓隻錶21:31。好禮㦝地問嗰waiter想加單，佢同我講廚房已經洗哂嘢，唔可以加單。雖然我係知道21:30 last order, 而且我遲咗1分鐘要求你落單，但係你無問過我已經到21:30，需唔需要加單。你竟然同我講廚房洗哂嘢，唔做單。你哋做嘢好快喎，一分鐘可以洗哂啲廚具！趕收工都唔係咁呀。而且啲壽司飯團每件都係散的，質素已經唔係好個隻，仲要咁做生意，唔會再去第二次，食完背脊骨落。