Video
Read full review
2009-12-28
442 views
六人馬交團多得C妹細心安排，開開心心於25/12/09出發。霧鎖濠江，估不到我地搭的一班船因大霧而要延遲泊岸，11:00上船要成2:00先到澳門，後來更知道原來金光飛航發生了撞船意外，怪不得要咁小心啦﹗坐左成三個鐘頭船，好不容易去到威尼斯CHECK IN，搞掂哂放低行理之後再出發，搭的士到我地兩個都未去過既竹灣﹗的士60蚊有找，竹灣在路環與黑沙灣中間，是一個超靚海灘，因地點唔多就腳，平時人跡不多。呢間陸舟餐廳食正哂成個海景，十分可恨的是今天超大霧，睇唔到海景﹗於是食家話坐餐廳入面，餐廳裝修十分企理，甚有異國風情，一行六人也十分喜愛﹗未叫野食先叫酒，來澳門就當然要叫一JUG SANGRIA，價錢不便宜$170，不過去得旅行當然無咩所謂，味道未及法蘭度的濃郁，生果主要是橙，大家開開心心的喝也很不錯﹗麵包一籃配牛油任食，口感十分鬆軟，餓左成個船程的我吃了三四片﹗呢度最出名當然就係PIZZA，原炭火燒爐烤焗，甚有風味，點了兩個批﹗Parma Ham PIZZA要了個細的，一人有一件，芝士味相當濃郁，配以濃烈的蕃茄香，惹味非常，沙樂美腸甚香口，批底軟中有脆，一行友人也讚好﹗再來的是海鮮PIZZA
霧鎖濠江，估不到我地搭的一班船因大霧而要延遲泊岸，11:00上船要成2:00先到澳門，後來更知道原來金光飛航發生了撞船意外，怪不得要咁小心啦﹗
坐左成三個鐘頭船，好不容易去到威尼斯CHECK IN，搞掂哂放低行理之後再出發，搭的士到我地兩個都未去過既竹灣﹗
的士60蚊有找，竹灣在路環與黑沙灣中間，是一個超靚海灘，因地點唔多就腳，平時人跡不多。
呢間陸舟餐廳食正哂成個海景，十分可恨的是今天超大霧，睇唔到海景﹗
於是食家話坐餐廳入面，餐廳裝修十分企理，甚有異國風情，一行六人也十分喜愛﹗
未叫野食先叫酒，來澳門就當然要叫一JUG SANGRIA，價錢不便宜$170，不過去得旅行當然無咩所謂，味道未及法蘭度的濃郁，生果主要是橙，大家開開心心的喝也很不錯﹗
麵包一籃配牛油任食，口感十分鬆軟，餓左成個船程的我吃了三四片﹗
呢度最出名當然就係PIZZA，原炭火燒爐烤焗，甚有風味，點了兩個批﹗
Parma Ham PIZZA要了個細的，一人有一件，芝士味相當濃郁，配以濃烈的蕃茄香，惹味非常，沙樂美腸甚香口，批底軟中有脆，一行友人也讚好﹗
再來的是海鮮PIZZA，海鮮有蝦，蜆、青口粒及魷魚等，我愛呢度既PIZZA夠正宗盡量以茄汁帶出鮮味，唔似在香港成日吃到的又千島醬又沙律醬搞到不倫不類，批底夠薄脆又可口，用料又夠多，一百分啊﹗
辣汁長通粉食家大讚，長通粉煙韌有嚼勁，汁底濃烈夠辣惹味，一碟絕對是不夠喉，不過一想到我地既行程不停咁食，吃過覺得好吃便是了﹗
最後來的是海鮮意大利飯，呢個真的不得了﹗用料夠多之餘，飯粒粒粒分明煙韌，芝士味芬芳撲鼻，啖啖入口有著海鮮精華，鮮味與芝味的交融相當有層次感，六人每人需只分得一小羹，不過大家都已大滿足﹗
大家意猶未盡再喝多一JUG SANGRIA，傾傾行程，談談近況，對窗看看海景，這間餐廳真的不得了，同食家講下次我地兩個人來一定要再ENCORE呢間陸灣餐廳，別無他選﹗
埋單一人百五蚊左右，如此靚景如果不是霧鎖濠江坐露天位必定更美妙，五星推介﹗
Post
