甜香園麥師傅甜品 (Closed)

老實咁講，我並唔能夠分辨邊啲係新鮮磨嘅、邊啲係用粉開嘅合桃露，所以我只可以儘量用我嘅筆觸去描述事實嘅全部，至於點樣判斷，就要靠各位好食之士自行判斷喇。口感係滑嘅，亦有合桃嘅香味，但直覺話俾我知(純粹直覺)，呢個合桃露係用粉嚟開嘅機會比新鮮磨嘅機會大。甜品嘅種類基本上都幾齊，我諗有超過80%响香港搵到嘅甜品都可以响呢度食得到。價錢亦比香港相宜，我嗌嘅合桃露只係幾十蚊。