誠昌飯店

Open Now

Now Closed

每一年都會有四至五次到澳門旅遊…而今次已係第三次再到呢度，裝修沒有太大變化，牆上依然貼着有關『左麟右李』的報導，只是服務態度，一次比一次的差。是次評價，係總括數次的經驗所給。 第一次大概係五六年前，那次的水蟹田雞粥、炸鯪魚球最為深刻，味道真係唔錯。 第二次係大概兩年前，原意係想回味一吓，但味道已大不如前而且態度十分惡劣；今次， 原已選好…水蟹粥，椒鹽鮮魷， 炒伊麵，時菜……但家人想食飯，於是問一問侍應(當日喺三樓)，問佢有無炒飯之類，換來的是斬釘截鐵的一個回應：“無呀！”。 我有點愕然，唔肯定我有無聽錯，於是我再問一次：“妳講咩話？” ，亦是差不多的回應：“餐牌上面有就有，冇就冇！”。我同家人對望咗一秒，起身，走人，回應返佢：“使唔使咁寸呀？唔怪得少咗咁多人啦”。呢位侍應阿姐，如果妳目的係辣著我嘅話，ok，妳成功咗，而我就慳番幾百蚊，我冇理由畀錢換來一肚氣，官也街大把好嘢食。