Video
Read full review
2016-08-26
5557 views
每一個時期總有幾間嘅食肆唔係好多人都好想去呢種可能就係叫做一窩蜂效應，之前我記得澳門比較出名嘅自助餐有自助山，跟住過左一輪就盛宴，之後就係群芳，呢一兩個月比較多人去嘅比較多人提呢間名廚都會。訂咗好多次無論係午餐抑或係晚餐都成日話無位，有一次試過早一個星期打電話去預約午餐都話無位，今次難得即日打電話去就有位當然唔可以錯過要試一試！一都去嗰個格局睇落去都幾大，但係就唔算係正正方方型，嘢食都分左幾個位置擺，屬於不規則嘅長方形的設計。呢度除咗嘢食係食物任取之外，嘢飲都可以自取嘅，嘢飲仲有鮮果汁，港式奶茶，熱檸茶等等全部都可以自己到櫃檯度攞，十分好。食品嘅種類以午市自助餐嚟講十分之充足，首先講吓冷盤，冷盤嘅刺身類有四樣，係大路嘅三文魚，八爪魚，𩶘魚，劍魚。冷盤有基圍蝦，青口，長腳蟹同埋基圍蝦。基圍蝦尚算爽口，長腳蟹肉亦都好多肉，蜆都好肥啲肉好飽滿。另外較有特色嘅卡就有巴拿馬火腿配哈蜜瓜，但係巴拿馬火腿我個人就覺得個味道偏鹹，而且味道唔算香，應該係12個月嘅品種或以下。但係d冷盤火腿就幾好食。沙律菜選擇嘅種類都幾多，仲有好多唔同種類嘅沙律醬可以揀，幾好。熟食方便比較出色嘅就係西冷牛扒，同出邊啲自助
每一個時期總有幾間嘅食肆唔係好多人都好想去呢種可能就係叫做一窩蜂效應，之前我記得澳門比較出名嘅自助餐有自助山，跟住過左一輪就盛宴，之後就係群芳，呢一兩個月比較多人去嘅比較多人提呢間名廚都會。
訂咗好多次無論係午餐抑或係晚餐都成日話無位，有一次試過早一個星期打電話去預約午餐都話無位，今次難得即日打電話去就有位當然唔可以錯過要試一試！
一都去嗰個格局睇落去都幾大，但係就唔算係正正方方型，嘢食都分左幾個位置擺，屬於不規則嘅長方形的設計。
呢度除咗嘢食係食物任取之外，嘢飲都可以自取嘅，嘢飲仲有鮮果汁，港式奶茶，熱檸茶等等全部都可以自己到櫃檯度攞，十分好。
食品嘅種類以午市自助餐嚟講十分之充足，首先講吓冷盤，冷盤嘅刺身類有四樣，係大路嘅三文魚，八爪魚，𩶘魚，劍魚。
冷盤有基圍蝦，青口，長腳蟹同埋基圍蝦。基圍蝦尚算爽口，長腳蟹肉亦都好多肉，蜆都好肥啲肉好飽滿。
另外較有特色嘅卡就有巴拿馬火腿配哈蜜瓜，但係巴拿馬火腿我個人就覺得個味道偏鹹，而且味道唔算香，應該係12個月嘅品種或以下。但係d冷盤火腿就幾好食。
沙律菜選擇嘅種類都幾多，仲有好多唔同種類嘅沙律醬可以揀，幾好。
熟食方便比較出色嘅就係西冷牛扒，同出邊啲自助餐一樣都係一大大舊烤到差唔多五至七成熟，想食就切一件俾你。呢度唯一唔同嘅就係佢嘅醬料有10幾款可以俾你揀其中我覺得黃色嗰種黑松露芥茉醬幾特別。
另外仲有好多款bbq蔬菜可以選，燒得幾好。夠香之餘，d菜又唔會話整到好淋身。
另外一種必食推介--片皮鴨，呢度嘅片皮鴨會話個專屬嘅位置，師父會企喺度幫你切。超級好食，好夠熱，係岩岩即燒出嚟即刻片出嚟嘅感覺，放入口好脆，仲有一層鴨油滲出嚟，配埋塊皮同青瓜，葱絲，醬汁，恰到好處！超正！
甜品方面，選擇都幾多，眼看落去大概都有20幾款，最好嘅我就覺得係有軟雪糕機，有雲呢拿同朱古力兩種味道。不過岩岩部機壞壞地，雪糕唔硬，好似漿，味道不太好。我推介嘅就係佢嘅杯子蛋糕，杯子蛋糕上面擠左好鮮豔嘅忌廉，上面再放上生果，我都猶豫左好耐唔知攞唔攞到好，因為怕好似出面d杯子蛋糕得個樣靚而唔好食。
但點知好有驚喜喎，個牛油蛋糕嘅牛油味超香，仲好鬆軟，配埋忌廉，味道恰到好處。我揀嘅杯子蛋糕上面係有紅桑子，再配埋呢種酸酸味味嘅味道，好有水準。
整體嚟講308蚊加一，有中銀咭有85折，埋單280蚊一個左右，勝價比屬於高嗰種。夜晚要成差不多500一個，話係多左龍蝦同生蠔，好唔好，要再試下先知。Post
