Video
Read full review
2019-03-26
630 views
嚟澳門前已經做定功課，搵定有咩好嘢食，呢間世記咖啡簡直人人推薦。上星期終於有機會去澳門試試，聽人講呢度成日大排長龍，今次嚟到見到唔算太多人， 十分幸運呢！餐牌簡單而詳細，清楚易明。一早起身又唔想食太多野所以就叫咗一個麵包 : 秘製洋蔥鹹牛肉厚蛋多士。世紀咖啡出名嘅嘢飲有炭燒瓦煲咖啡同埋秘製香滑奶茶。喺門口已經見到呢一個所謂嘅炭燒瓦煲，師傅真係喺正你面前沖，好真實又純樸嘅感覺。由於起身嘅時候已經飲咗一杯咖啡，所以就試吓佢哋嘅奶茶啦！鋪頭入面充斥住懷舊嘅氣息。等攞嘢食嘅時候，周圍睇下影吓，時間都過得快啲。當日天氣有啲熱，所以選擇咗凍嘅奶茶。影完相急不及待即刻試一啖。一飲落去真係覺得好香滑，茶底夠濃唔會澀，奶就夠晒滑，亦有奶香味，同茶完美融合。怪唔得知咁多人推薦啦！主角到啦！第一個反應係嘩一聲，因為個蛋真係超厚啊！佢嘅厚度簡直可以媲美塊厚多士。即刻試吓先。咬開就會見到蛋嘅入面，唔係全熟，大約七成，厚而不實。蛋同多士中間仲隔咗一層鹹牛肉，裏面有洋蔥碎，喺香港會比較少見。個人就覺得牛肉嘅鹹味，濃郁嘅蛋，加埋兩塊麵包，味道中和得啱啱好。整體而言，食物質素高，完全對得起價錢。重要嘅係，舊鋪嘅情懷係一
餐牌簡單而詳細，清楚易明。一早起身又唔想食太多野所以就叫咗一個麵包 : 秘製洋蔥鹹牛肉厚蛋多士。世紀咖啡出名嘅嘢飲有炭燒瓦煲咖啡同埋秘製香滑奶茶。喺門口已經見到呢一個所謂嘅炭燒瓦煲，師傅真係喺正你面前沖，好真實又純樸嘅感覺。由於起身嘅時候已經飲咗一杯咖啡，所以就試吓佢哋嘅奶茶啦！
鋪頭入面充斥住懷舊嘅氣息。等攞嘢食嘅時候，周圍睇下影吓，時間都過得快啲。
當日天氣有啲熱，所以選擇咗凍嘅奶茶。影完相急不及待即刻試一啖。一飲落去真係覺得好香滑，茶底夠濃唔會澀，奶就夠晒滑，亦有奶香味，同茶完美融合。怪唔得知咁多人推薦啦！
主角到啦！第一個反應係嘩一聲，因為個蛋真係超厚啊！佢嘅厚度簡直可以媲美塊厚多士。即刻試吓先。
咬開就會見到蛋嘅入面，唔係全熟，大約七成，厚而不實。蛋同多士中間仲隔咗一層鹹牛肉，裏面有洋蔥碎，喺香港會比較少見。個人就覺得牛肉嘅鹹味，濃郁嘅蛋，加埋兩塊麵包，味道中和得啱啱好。
整體而言，食物質素高，完全對得起價錢。重要嘅係，舊鋪嘅情懷係一般連鎖餐廳裏面感受唔到嘅，下次去澳門一定返嚟再試！
Post
