大東北菜館

Open Now

Now Closed

今日呢~ 我地成班同事又去搵野食，正確地講, 係搵有空位既飯店食餐飯，我地今次個飯隊有10多人，要搵10幾人吉位既飯店又真係幾難，平時行過既店都滿晒人，正在愁去邊度食之際，有間新開的飯店 - 大東北, 價錢又不算太貴, 所以我地一行人就決定入去嘗鮮。店鋪不算大，估計一段時間之後就會又坐滿食客。聽講東北人都喜歡吃骨頭, 據說就骨頭的做法就有18種, 我們就試一下東北醬的排骨，就係依個大東北第一排，醬香濃郁、肉質鮮嫩，辣辣​​地幾開胃。石磨小豆腐, 一聽個名就知是石磨豆腐 (姑且信住係石磨啦 ) , 豆腐很滑而且散發著淡淡豆香，簡單二個字概括 「香滑」。這個宫寶雞丁是特制走辣的，因為中午不想食完全身汗，走辣的宫寶雞丁就像炒雞胸肉粒一樣，比較"鞋"，送飯黎講一流，建議大家唔好走辣。東北蘑菇土豆絲, 中規中矩吧，賣相真不十分討好，這個味道也一般。石鍋醬香茄子, 其實有D似魚香茄子煲，但佢用左石鍋，茄子變得乾身左，整體口感不錯。總體黎講, 依間菜館價錢不算貴，口味比較重，似終東北菜都是重口氣，哈哈。中午食飯可以試一下。