水晶廊

Open Now

Now Closed

表妹一直推介crystal lounge嘅濃蝦湯好哋，所以趁年初一拜年前同佢去食個lunch。位於賭廳樓上，最衰側邊位滿哂，冇得坐側邊一面食一面睇住人賭錢。侍應多數菲律賓人，都有禮貌，反應亦快。食物方面，我同表妹各自點左1個湯+1個包，但已經唔敢再叫飲品因為怕食唔哂。濃蝦湯，平時出面啲餐廳好咸，但呢個真係有好濃嘅蝦味。餐廳會用大大嘅農夫包裝住上碟，不過我地就叫佢另上，再用包點湯食，點完仲有下面半個麵包碗剩低。煙三文魚牛角包伴沙律薯塊，好大件，飲完湯只食到半個。個包好鬆，三文魚都好味。個包打包隔左2個鐘後俾老公食，佢都話好味。