山上咖啡

Open Now

Now Closed

呢間位於澳門崗頂劇院附近嘅咖啡店，環境好靚⭐️，而且嘢食好味！舖頭嘅原址係一個曲藝會，舖頭裝修嘅時候保留咗好多傳統嘅元素，有當初嘅窗花🪟，同埋唔同古玩，好啱打卡📸。.🍚鰻魚茶漬飯自己將茶湯倒落去鰻魚飯裏面，再攪勻食。一啖食到甜香嘅日式湯汁🇯🇵，配埋鰻魚嘅照燒醬，浸住每粒飯，味道好夾。.🐟黃金三文魚薯球 賣相好靚，已經唧好咗蛋黃醬作為伴碟嘅一部份。食落三文魚味幾香👅，配埋薯波脆口嘅質感，好正。.🍰Tiramisu超級推薦呢度嘅Tiramisu！餅乾吸收晒酒香味，配埋忌廉同埋可可粉好滿足😋。而且口感啱啱好，入口即化。.☕️脆焦糖拿鐵喺牛奶咖啡上面，而家粒粒嘅脆脆焦糖。咬落去口感甜香香脆💥。當焦糖喺咖啡裏面溶咗之後，亦都可以攪勻享受另一番風味。.🍋自家漬檸檬冷泡舖頭自己用蜂蜜煮過檸檬，檸檬都可以咬，味道有種蜜餞嘅甜味🍬。配埋咖啡入口酸酸甜甜。.🫧果漾冰啡飲落帶少少酸味，仲有淡淡的果香味。咖啡仲係微醺，含有少少酒精。飲落咖啡烘焙嘅味道好重♨️，亦都有綿滑嘅泡沫。.🍊果香橙子冰茶味道清新，飲落又好香嘅果味。推薦唔飲咖啡嘅朋友，可以嗌呢款飲品👍🏻。