李康記豆腐花 (Closed)

上次黎澳門試左《榮記》，今次就試《李康記》啦！澳門出名既2大豆腐花！咁就試晒啦！《李康記》都係新馬路附近，其實去都算方便既！而門口就用一個用紅色字既霓虹光管牌仔，細心D留意都容易搵到既！裝修就好懷舊，仲用緊不銹鋼櫃呀，枱呀，有一番風味既！我地今次黎到叫左一碗細既熱豆腐花些牙！碗豆腐花白雪雪，一望就知好滑！，我地食豆腐花好少會加糖，都有D奇怪點解冇問我地要唔要糖⋯原來佢幫我地加左薑糖水嫁啦！評分係 4星就豆腐花而言，佢係我地食過咁多間（包括香港），最滑既果間，滑到真係入口即融，溜入喉嚨嫁！佢又唔會好散喎！好完整嫁！係口感果方面，呢間真係爆分！之但係呢⋯⋯個豆腐花就冇乜豆味囉！加左既薑糖糖水，就甜甜地既，好夠薑！彌補番佢唔夠豆味既豆腐花！所以整體黎講⋯都有4星，係正評既！如果好鍾意食滑溜既豆腐花，呢間就值得推介#李康記texture比榮記好#滑溜#但不是我們杯茶