誠昌飯店

Open Now

Now Closed

如果有睇開旅遊特輯，都會聽過呢間係 氹仔至出名既食店，佢地最有名既係水蟹粥同炸墨魚丸鯪魚球。小妹第一次食水蟹粥，見度成隻蟹浸係窩粥度真係幾得意！粥身唔算綿，清清地好易入口，蟹膏都落入粥度，幾有咬口。而蟹肉雖然唔多，只有一隻蟹既份量，但肉質好鮮甜，一啲都唔腥，係要拆蟹殼麻煩啲即！正當我地猶豫食墨魚丸好定鯪魚球好時，侍應阿姐好細心咁提議我地叫一碟雙拼，咁就可以一次過滿足兩種口味喇！魚鯪球新鮮熱辣，而且超彈牙，冇骨又唔腥，而墨魚丸用料十足，係有少少硬，但食得出係鮮墨魚打出來的！不可不試！呢度一窩細水蟹粥要成九十五蚊，係有啲貴，但人一世物一世都要試下既！食完仲可以過對面鉅記買手信哩！