Video
Read full review
2008-02-25
31 views
2008年2月16日下午三點三十分鳳城珠記麵食專家澳門大街(營地大街)127號地下今日下午我同同事去完大三巴，就去左搵鳳城珠記食魚角餃！二年前我食過兩次好味，之後都有請朋友係鳳城珠記買左一磅比我，我今次去係特登想買2磅回家的！搵左一輪先搵到，因為已經係兩年前既事，有印象但唔太深(我一向都唔多認路)，睇完地圖都唔知係邊，唯有打返香港問朋友仔，講完一大輪先知大約係邊，就同我同事一齊行過去啦！左搵右搵終於去到見到鳳城珠記，好開心咁入去搵位坐底！因為我地之前已經食左野，而且我同事想試下好冇味，好味就佢都諗住買一磅返香港的，所以我地只係叫左一碗淨魚角，等左一陣，就送左黎，我就夾左一隻比同事，一隻比我自己，同事食左一口，就問我係咪豬肉黎，我都食左一個角仔，發現係豬肉加左d 菜，同我之前食既有d 唔同，之前食既有冬菇，正係度疑惑緊既時候，有個阿姐係我後面囉住另一碗野，跟住就聽到另一個阿姐話：都話個魚角係個張枱囉！原來，我地後面個枱疑似內地同胞叫左一碗水餃，但另一個阿姐將佢同我地叫既淨魚角調亂左！說時遲，那時快，個內地男同胞就叫阿姐放低比佢！咁我地就同阿姐講叫佢換返魚角比我地啦，阿姐就話：你地叫多碗魚
下午三點三十分
鳳城珠記麵食專家
澳門大街(營地大街)127號地下
今日下午我同同事去完大三巴，就去左搵鳳城珠記食魚角餃！二年前我食過兩次好味，之後都有請朋友係鳳城珠記買左一磅比我，我今次去係特登想買2磅回家的！
搵左一輪先搵到，因為已經係兩年前既事，有印象但唔太深(我一向都唔多認路)，睇完地圖都唔知係邊，唯有打返香港問朋友仔，講完一大輪先知大約係邊，就同我同事一齊行過去啦！左搵右搵終於去到見到鳳城珠記，好開心咁入去搵位坐底！
因為我地之前已經食左野，而且我同事想試下好冇味，好味就佢都諗住買一磅返香港的，所以我地只係叫左一碗淨魚角，等左一陣，就送左黎，我就夾左一隻比同事，一隻比我自己，同事食左一口，就問我係咪豬肉黎，我都食左一個角仔，發現係豬肉加左d 菜，同我之前食既有d 唔同，之前食既有冬菇，正係度疑惑緊既時候，有個阿姐係我後面囉住另一碗野，跟住就聽到另一個阿姐話：都話個魚角係個張枱囉！
原來，我地後面個枱疑似內地同胞叫左一碗水餃，但另一個阿姐將佢同我地叫既淨魚角調亂左！說時遲，那時快，個內地男同胞就叫阿姐放低比佢！
咁我地就同阿姐講叫佢換返魚角比我地啦，阿姐就話：你地叫多碗魚角囉！
我地：下，你同我地換啦，我地叫既係淨魚角餃的！
阿姐：你地都食左囉，冇得換，你地叫多一碗！
我地：但係你地比錯我喎，我地都唔知架？你應該換比我地架喎~
阿姐：咁我比錯你我地有錯，但你都食左，你都有錯，係人都有錯架啦，你唔好話你冇做錯過，係人都有錯架啦(講左好多句係人都有錯)，我地都有成本架….
我地：下，你比錯我地，我地唔知食左我地就錯呀？而家係你比錯我地喎，我地點知你比錯我地！你比錯你就要換架啦！
阿姐：咁你地都食左，都係十幾蚊0者，想食咪比錢要多碗魚角囉！
我地：但問題係我地本身叫魚角，我地一心係黎食魚角，仲想買幾磅走，唔係十幾蚊既問題，係原則既問題，你地打開門做生意係咪咁呀？而家係你地錯，比錯我地，仲話我地食左係我地錯！
阿姐：咁而家你食左，一人退一步，比一半錢啦！(阿姐堅持因為我地食過，所以要比錢)
其間，後面檯既疑似內地男同胞係咁話十幾蚊，一人退一步，比一半錢啦！
當時，鳳城珠記d 阿姐一人一句，已經好嘈，個男人仲要咁講，我真係想同個男人講，佢比錯野食你你食乜野落口冇所謂唔等於我地冇所謂，佢冇原則都唔等於我冇原則，問題唔係我地錯，仲乜唔肯換返比我地仲要我地比錢！
黎到呢度，再講落去都冇意思，因為我地已經受到不禮貌既對待，已經好唔開心，因為d 阿姐係鬧我地！咁我同同事囉袋走，呢個時候個阿姐就唔比我地就！
阿姐：你地唔比錢報警架！！！
我地聽到即刻放低行李，同佢講：好呀！我都想報警，你報呀！
當時好嬲，佢要報警我地都想佢報，d阿姐見我地唔就範，就又一人一句係咁鬧我地兩個女仔，仲要話我地食野唔比錢，又話我地估唔到我地兩個女仔咁樣，十幾蚊都唔比！
我地想話：
問題一：明明係佢地搞錯，佢換返比我地，好合理
問題二：既然係十幾蚊，成本應該唔高，明明佢做錯，仲乜要用成本為籍口將個錯轉嫁係我地顧客身上！
問題三：我地唔係特登搵交嗌，只係原則問題，但d 阿姐就用好難聽既說話係咁鬧，講到我地係食野唔比錢食既人！
問題四：今時今日，就算個客唔岩，你都唔可以鬧返個客轉頭，何況我地冇錯！！！
問題五：佢地咁鬧我地，係侮辱！！！！！！
十幾蚊，坦白講唔係乜野大數額既錢，但係問題係我地根本冇錯，如果一開始係我地叫錯野食，我地都冇野好講，但問題唔係！所以我地覺得冇做錯，佢地要報警都冇所謂，但係佢地迫唔到我地比錢，就係咁鬧我地，其中一個阿姐仲發惡收起碗水餃話我地唔比錢就算，我叫住佢唔好收，報左警先佢都要「毀屍滅跡」。跟住d 阿姐仍然一人一句起勢咁鬧我地兩個，我地覺得佢地根本唔係冇常識，直頭係野蠻，再講落去都冇意思，就囉野走，係門口影低相做紀錄，個內地同胞呢個時候走出黎，仲要講左句：影乜鬼呀！十幾蚊之麻~
呢個乜野男人黎架…. 真係唔識用咩形容詞黎形容！！
後來，我地因為嬲到震，係出門大路企左一陣，呢個時候有個女人黎同我地講：你地唔好唔開心啦，我身為澳門既市民，都覺得好唔好意思，其實我地同枱既，都覺得佢地唔岩架，如果話叫雞肉比左牛肉我，可以分到就話，但係d 餃真係唔係好分到！你地走左佢地都仲鬧緊你地丫，我地都覺得佢地唔岩架！(唔係麻…走左仲鬧)希望佢地唔好令你地呢個旅程覺得唔開心啦！新年快樂啦！
呢為市民好好人！好感謝佢，起碼我對澳門既印象冇跌到落谷底……
今次呢件事，我同同事仔都好唔開心，好嬲，我同佢都嬲到震，對澳門亦都冇晒好既印象，我相信係其他地方例如台灣都唔會發生呢d 事，如果大家唔係去賭錢，寧願比多少少近近地去台灣泰國，個邊服務好好多！
另外，我亦唔會再去呢間鳳城珠記食野！
佢有三間分店，大家認住佢地，唔好去個度食野！
亦都好希望有開店做服務行業既老闆，好好教導員工，我唔知係店裡面有幾多客人會因為我地被無理取鬧而對印象變差，但我同我同事仔，同埋知道左呢件事既朋友仔，都唔會再幫襯呢間食店！！究竟佢既損失係個十幾蚊，定係更多呢？？？
你既野食再好食，但服務差，都唔會有人幫襯的！
我地亦會去信Macau Government Tourist Office 要求佢地可以跟進我地既投訴，希望其他食客唔會再受不禮貌既對待！！
可以負分的話，我絕對會比負分！
http://www.amymagazine.com/amyblog/littleblue/2008/02/17/inmacauunhappy/ 附相！
Post