沙利文餐廳

Open Now

Now Closed

上個星期日, 第一次和太太過澳門, 必食沙利文.沙利文, 係一家老牌萄國菜餐館, 老到係我老豆老母拍拖年代都去過的餐廳; 我對上一次到澳門, 已超過十年, 一家餐廳可以捱到咁多年都未被淘汰, 一定有佢理由.餐廳內裡很舊, 一定很舊的老式扒房, 舊到好似同我十年前去一様(可以仲耐), 一d都冇裝修過. 入面班侍應..... 相信都一様 (都幾大年紀下). 但舊得來唔覺得唔衛生果隻, 個人覺得幾舒服幾溫馨.事因晚飯及價錢都唔算好平果隻, 只點了幾個菜, 如下分享:- 馬介休球 (唔太油唔太咸, 剛炸起上枱, 推介!) (有圖..... 但食佐兩件覺得好味先記得映相....)- 雜菜沙律 (大碟, 菜新鮮, 一般好)- 非洲雞 (我雖然唔食辣, 但叫佐少辣, 雞肉又嫩又滑, 醬汁唔算太濃, 幾香口, 再點個白飯伴食, 好舒服!!)- 萄國燒魚塊 (一上碟原來係炸魚塊, 伴一堆薯塊, 洋蔥蔬菜, 睇上去唔多得, 但一入口覺得炸魚加上佢d醬汁好鬼香口, 好正, 我老婆唔鍾意薯仔都 ko 成碟野, ......當想映張相時, 己經食晒!!)下次再去澳門時會再食. 遺憾未點的有木糠布甸 和 澳門啤酒