澤賢記

Open Now

Now Closed

上網睇澳門有咩係必食 每次都會見到人介紹呢間澤賢記雞蛋仔 就覺得一定要去試下 佢都有好多分店 今次就揀左酒店附近個間黎試下 佢就係係澳門銀河隔離 入咗商場之後落電動樓梯再行返出外面 就會見到好多小食攤檔 未落到去已經聞到好香雞蛋仔味 我哋去到嗰陣冇乜人 買完飛之後就勁多人 好彩唔洗等太耐 附近仲有長櫈可以坐底慢慢食 我地叫左一個必食既葡撻雞蛋仔同埋一個原味格仔餅 好快就有得拎 一拎上手熱辣辣 雞蛋仔咬落好香脆 好香蛋味 一咬即刻流心 爆晒入面啲葡撻漿出黎 食落唔會太甜 但係我地覺得個葡撻味係好淡 唔係好夠味 如果再濃味啲就比較好 食返隻葡撻好過另外原味格仔餅就正正常常咁 牛油煉奶花生醬幾好味整體嚟講 個葡撻雞蛋仔食一次就夠 冇講到咁誇張咁好食 如果要等得耐 唔好嘥時間 食隻葡撻好過