Video
Read full review
2019-04-22
1365 views
呢間係我上次食完好喜愛既一間餐廳，話每次去澳門都要探一探佢！今次過黎澳門兩日一夜，梗係要搵自己好想食野！而肥仔文係其中一間！我地一行十人，突然搵到佢有面書，我多口問句可唔可以訂位，答案係得，直情開心到癲左！可能因為係分店既關係，我地以為好大，因為總店鋪頭細，門口勁多人等位，我地連大連細都真係...最後訂到位堅開心！黎到鋪頭都係咁細，但座位冇總鋪坐咁迫，算舒服 👍🏻 但都係用2張枱合一，但不傷我地食好野既雅慶 😋😋 第一樣野黎既係豉油王炒麵，叫小朋友食，其中一個話唔食，唔想試！笑死我地，最黎食得最多果個係佢！我一啖都冇食過！椒鹽鮮尤，炸到勁香口，入面都好有水份，味道好夠，唔會死咸，好快清哂！上湯菜心同椒絲付乳通菜，食得出好好鑊氣，唔會好淋，菜又唔會黑！正 👍🏻尖椒炒豬肚，佢地話尖椒好正！我就只食豬肚，覺得好爽又唔會痴牙 👍🏻叫俾小朋友既 咕嚕雞球，用既係新鮮菠蘿，俾兩個小朋友食哂！反而大人好喜愛 🤣 雞炸係炸既，但唔會乾，咬落去都好 juice，佢地連配料都清哂！蟹粥，呢個朋友讚到天上有 🤣🤣🤣 原因佢地去左街市某間鋪食，竟然粥底有豬肉碎，笑到我地死！蟹粥有蟹味是常識吧！呢道既蟹粥勁鮮甜
今次過黎澳門兩日一夜，梗係要搵自己好想食野！而肥仔文係其中一間！
我地一行十人，突然搵到佢有面書，我多口問句可唔可以訂位，答案係得，直情開心到癲左！可能因為係分店既關係，我地以為好大，因為總店鋪頭細，門口勁多人等位，我地連大連細都真係...最後訂到位堅開心！
黎到鋪頭都係咁細，但座位冇總鋪坐咁迫，算舒服 👍🏻 但都係用2張枱合一，但不傷我地食好野既雅慶 😋😋
第一樣野黎既係豉油王炒麵，叫小朋友食，其中一個話唔食，唔想試！笑死我地，最黎食得最多果個係佢！我一啖都冇食過！
椒鹽鮮尤，炸到勁香口，入面都好有水份，味道好夠，唔會死咸，好快清哂！
上湯菜心同椒絲付乳通菜，食得出好好鑊氣，唔會好淋，菜又唔會黑！正 👍🏻
尖椒炒豬肚，佢地話尖椒好正！我就只食豬肚，覺得好爽又唔會痴牙 👍🏻
叫俾小朋友既 咕嚕雞球，用既係新鮮菠蘿，俾兩個小朋友食哂！反而大人好喜愛 🤣 雞炸係炸既，但唔會乾，咬落去都好 juice，佢地連配料都清哂！
蟹粥，呢個朋友讚到天上有 🤣🤣🤣 原因佢地去左街市某間鋪食，竟然粥底有豬肉碎，笑到我地死！蟹粥有蟹味是常識吧！呢道既蟹粥勁鮮甜，大家都食左好多碗 👍🏻
魚香茄子煲，呢個煲同香港既好唔同，你睇都睇得出唔會有一堆油係面 👍🏻 茄子好嫩好淋，大家仲為左佢叫左碗飯 🤣
呢個係我期待以久既 椒鹽粟米，因為上次黎見到其他枱每枱都叫，但我地已經勁飽！今次終於食到勁開心！個感覺好得意，粟米勁甜，個椒鹽味道俾鮮尤更重味，真係好正！朋友都大讚，呢個真係必點 👍🏻
蜆介牛肉煲，呢個我冇食過，我已經好飽，要留肚食田雞 🤣
呢個又係我地上次愛上既菜，啫啫田雞煲，佢地既田雞勁大隻，隻脾都真係堅勁！又大隻好好咬又唔會老，火喉岩岩好！入面仲有極度邪惡既豬潤，都真係不得了，岩岩好熟，大塊到呢 👍🏻👍🏻👍🏻
Post
