Video
Read full review
2014-03-22
3174 views
去澳門之前，朋友介紹荷蘭園坤記，所以就去試下啦。一坐低，就已經有個waiter 企係隔離等你落單，我話要諗諗先，之後佢話好，慢慢睇，點知照企係你隔離，好似打波要mark 實對手咁。仲要頭一個waiter 一行開即刻有第二個補上問你落單未。前後真係唔夠5分鐘，已經有3個waiter 問過我地。其實我地去個時間又唔係多人，完全唔明佢地咁趕做乜。服務差，如果野食ok 我都算，不過真係食到一肚氣。我地叫左炸馬介休球同葡式燒豬柳。馬介休球無咩特別，但個葡式燒豬柳就真係……我只可以講，我自己煮都好食過佢。有相為證完全唔明點解燒豬柳可以咁多水，d 薯條本身已經唔脆，仲要浸係d 汁上面。本身唔係平，野食難食，仲要收加一，真係唔會再食
一坐低，就已經有個waiter 企係隔離等你落單，我話要諗諗先，之後佢話好，慢慢睇，點知照企係你隔離，好似打波要mark 實對手咁。仲要頭一個waiter 一行開即刻有第二個補上問你落單未。前後真係唔夠5分鐘，已經有3個waiter 問過我地。其實我地去個時間又唔係多人，完全唔明佢地咁趕做乜。
服務差，如果野食ok 我都算，不過真係食到一肚氣。
我地叫左炸馬介休球同葡式燒豬柳。
馬介休球無咩特別，但個葡式燒豬柳就真係……我只可以講，我自己煮都好食過佢。
有相為證
完全唔明點解燒豬柳可以咁多水，d 薯條本身已經唔脆，仲要浸係d 汁上面。
本身唔係平，野食難食，仲要收加一，真係唔會再食
Post
