Video
Read full review
2009-10-27
355 views
呢度係我地一行四人，兩日一夜既澳門之旅，第一晚既晚餐。會選擇食觀光塔既dinner buffet，全因為我地其中一個係塔皇，佢無塔不歡，馬來西亞觀光塔、雙子塔，星珈玻文華酒店頂樓(可俯覽星城風景)，海洋公園會轉觀光塔，佢都唔放過！加上佢未去過澳門呢個觀光塔，所以佢又點會放過呢個機會？ 而我自己唔係第一次上觀光塔遊覽同食呢間旋轉餐廳，所以問心，要分開比上去觀光既錢同食唔係特別好食但價錢唔平既buffet，唔係有套票，我唔會去囉… 我地既套票，係0係明星旅遊到online買，Turbo Jet來回船票+上觀光塔58及61樓觀光樓層入場券 + 觀光塔樓旋轉餐廳dinner buffet，因為我地回港係夜船，所以要加錢，承惠每位$600。實則唔係平好多，你當呢個價錢觀光樓層入場券係免費，buffet 95折到！去到見d大多沿窗邊排，都係既~~~黎呢到係食個環境，如果係為食個buffet就唔抵喇，所以，我地亦坐係窗邊。for your information, 大多數係旅行社買package食呢個buffet都可以安排到窗口位！食物種類不過不失，多全屬大路熱盤凍盤，有即叫即淥粉麵，甜品，壽司魚
而我自己唔係第一次上觀光塔遊覽同食呢間旋轉餐廳，所以問心，要分開比上去觀光既錢同食唔係特別好食但價錢唔平既buffet，唔係有套票，我唔會去囉…
我地既套票，係0係明星旅遊到online買，Turbo Jet來回船票+上觀光塔58及61樓觀光樓層入場券 + 觀光塔樓旋轉餐廳dinner buffet，因為我地回港係夜船，所以要加錢，承惠每位$600。實則唔係平好多，你當呢個價錢觀光樓層入場券係免費，buffet 95折到！
去到見d大多沿窗邊排，都係既~~~黎呢到係食個環境，如果係為食個buffet就唔抵喇，所以，我地亦坐係窗邊。for your information, 大多數係旅行社買package食呢個buffet都可以安排到窗口位！
食物種類不過不失，多全屬大路熱盤凍盤，有即叫即淥粉麵，甜品，壽司魚生bar，自助沖熱飲bar。
因無咩特別，我亦唔特別每個甘講，睇返第一張相，我由冷盤食起，由時位順時針數，凍蝦、煙三文、椒絲牛柳絲沙律、竹筍鴨絲沙律、蘋果沙律、自助菁菜沙律、鄉村麵包片。
冷盤中值得一提既係，凍蝦同椒絲牛柳絲沙律比較好，椒絲牛柳絲沙律就幾特別，凍蝦就處理得好清潔同夠爽，但無咩蝦味。但自助菁菜沙律菜既款式少，仲要唔太新鮮，沙律醬只有大路既選擇。煙三文仲超咸！ 壽司魚生，唔多款式，亦唔肥美，比較遜色。
餐湯方面：是晚餐湯係葡式薯蓉白湯，及中式人蔘湯，我對人蔘湯無咩興趣，無試到，而個白湯…唔知係個葡式既問題，定係個薯蓉有問題，總之我唔鍾意呢個白湯。難聽d我寧願飲生粉白湯。而d餐包，唔香，唔軟，唔好食。
熱盤方面，睇返第三張相，由長通粉超起，順時針睇，茄汁長通粉、carbonara蝴蝶粉、馬介休炸球，蔥蛋魚肉小食、葡國雞、露筍豬肉卷、小棠菜焗牛肉、葡式焗魚、中間既係白汁焗薯片。 即叫即淥粉麵，係有清湯或La Sa湯底、有河粉、米粉，配料有丸，蝦，雲吞、菜。但大多唔refill，因為我想食碗米粉時都無…
熱盤中值得一提既係，中間既白汁焗薯片同小棠菜焗牛肉。白汁焗薯片既白汁好creamy同奶香，佢既奶香竟然比carbonara蝴蝶粉既汁更rich！而個小棠菜焗牛肉既汁幾好，牛肉幾滑。但個馬介休炸球又係超咸，無味，茄汁長通粉太林…
甜品&自助沖熱飲bar：甜品係cookies，蛋糕，jelly，迷你葡撻，同雪糕。迷你葡撻ok~ 而雪糕有四種味選擇，其中特濃朱古力好正！真係超濃！朱古力癡唔好錯過！自助沖熱飲bar有咖啡、奶茶、檸水、檸茶
總括而言：唔係難食到反既，食得飽你囉！所以如果想食好野，唔好黎呢度~~ 睇你想試下旋轉餐廳定睇風景啦，坐附近既小朋友好鍾意旋轉餐廳la~~，可選擇食lunch buffet，食既野差唔多但平d！如果只想睇風景，我會選擇上58及61樓觀光樓層！入場費都係$90
Post
