發嫂養生磨房

Open Now

Now Closed

晏晝沒什麼目標地方想去，左兜右兜見到有間甜品屋神奇地用上傳統石礳做甜品，利害喎！朋友們話稱此店遠近馳名喎，既然如此，雖然我不愛甜食，好奇下點都要試試啦！新產品推介喎，但寫錯字呢！最緊要正字，淮山唔係懷山。杏仁糊，兒時曾經試過即食多多牌杏仁糊，嗅死我咩！之後再無食過咯。幾十年後再度重遇您，香左又滑左喎，清新可口又唔太甜，味道不錯。芝麻糊，堅係滑得出奇呢！無一間糖水舖能及。依個芝麻糊真心正，係我食過最好味！香噴噴散化清淡甜味，唔會覺得膩或覺得滯，芝麻味極濃，質感幼細極致無得頂，推介！剛才食完自助早餐，實在太飽吃不消，一碗兩份嘆先食得晒，還要留肚去美食節架！五寶糊，美女見到寫住補而不燥，健脾養胃，補肝益腎，安神袪濕，即刻要試。質地好厚，厚到有點鞋有點粉，重硬果味道豆味道，淮山味道最突出，沉實清清的甜味。極品燕窩，有幾極呀？清水浸燕碎加蜂蜜，同飲緊蜜糖水無分別，都幾好飲既，但索價 $198 蚊完全唔值，我去官燕棧買一大樽都只係八百蚊有找。