群芳 (Closed)

訂左24號下午1:45 的自助午餐，可能系星期一嘅關係，未夠鐘已安排我們入座。凍海鮮青口、花甲冇乜味，蝦就好彈牙，义焼蜜汁豐富，腩仔肉皮脆非常，海南雞同口水雞肉質都好滑，配左d油飯，燒元貝好香口，韓式燒牛肉老左少少但都好味，燒豚肉有少少脂肪好甘香，炸雞亦炸粉好厚，义燒包同奶皇包不知可解完全吾熱，即灼油面個湯底冇乜味，煎堆仔淋淋的，千層寬麵熱辣辣好多芝士邪惡但又好味，蘋果慕絲青青甜甜，焦糖燉旦有層脆焦糖面但內𥚃有少許豆沙饀，有一點怪，士多啤梨雪皅好清甜又吾膩，果撻就淋淋地。果汁、賓治、凍檸茶等，好多款式，味道也不錯，港式奶茶、咖啡茶也是自己落 order 自取的，以上飲品都是無限量供應，相信也是這餐廳另一亮點。總括而言，食物和價位是合理的，可以再來！