巴黎餐廳

Open Now

Now Closed

今日是聖誕節正日，這裡的自助午餐價格不貴，所以已經有心理準備，不要對水準有任何特別期望。11點多去到，人已經很多，幸好侍應在11:45開始安排入座。凍蝦、瀨尿蝦、東風螺，冇乜味，反正黑青口細細粒又幾滑，羅宋湯足料又夠味，椒鹽雞翼好惹味，葡式蝦仁個汁奶味濃，义燒包、珍珠雞完全吾熱，炸馬介休球太多薯粉又冇乜馬介休，迷你雞批個皮好鬆化吾錯，葡撻就吾太鬆化，麻辣青口好麻香，牛角包好像隔夜的，白糖糕微甜彈牙。飲品選擇不少，橙汁、蘋果汁、沙冰、咖啡、茶。整體來說，普普通通，而且很多食物都吾夠熱，試過便算。