御廚

Open Now

Now Closed

在英皇官網訂了聖𧩙住宿套票是包自助早餐的，所以今早就去試吓。餐廳幾大，但枱與枱太近，有點迫，食物選擇不少，但因為晏d要去氹仔食自助午餐，所以只有淺嘗。點心試左排骨細細粒冇乜肉，牛角包同葡撻可以用焗爐焗返，焗完熱食十分可口鬆化，即灼了碗牛腩雲吞肉丸湯麵，師傅給了很大份量，肉丸彈牙，牛腩有啲乾同奀，反而雲吞就幾好。蘋果汁、巴樂汁應該加了水的，淡淡的，反而咖啡就好香濃。如果下次再嚟，想試吓佢嘅自助午餐。另外，整間酒店的員工，都相當親切有禮。