艾爾曼尚廊 (Closed)

之前見到網上有好多人喺呢度打卡，見到咁靚，一場黎到澳門梗係要來試吓啦。當晚嚟到已經比較夜所以冇乜人，由於之前已經好飽所以一人一個甜品就算，主要都係打下卡影吓相。不過比較令人失望嘅係呢度連一杯水都要額外比錢點，我覺得做生意要賺錢人之常情，不過都唔係做得咁肉酸嘅，一間甜品店客人嚟到幾乎個個都食甜品，講緊百幾二百蚊食一個甜品，你連一杯水都唔俾人係咩玩法? 食物方面係真係好靚，presentation 100分，打卡一流，而且唔係得個樣，係真係好味嘅。不過來一次就夠啦。