呢間主打西、日料理嘅餐廳，每間分店都以螢火蟲同藍綠色嘅森林做設計基礎，然後再作變化。好似荃灣店佈置成夢幻嘅森林咁，而沙田店則較多鳥籠元素，感覺casual啲。嚟到想食得豐富又抵啲嘅話，晚市2人套餐就啱你喇，入面更包括旋風蛋包飯、香煎豬鞍等招牌菜。另外不時轉款式嘅打卡下午茶套餐，亦係呢度嘅特色之一。

提提你經OpenRice訂座預付呢2款套餐，輸入限量優惠碼「FDSTORY60」滿$600即減$60（適用日期：即日至2022年7月31日），而家即睇有咩菜式選擇啦～

品味森系優閒西式2人晚餐

 沙田店價格：$457/2位用（原價：$538【未連服務費】）
 荃灣店價格：$364/2位用（原價：$428【未連服務費】）
（各分店菜式有所唔同，部分需升級加配）

2人晚餐包括4道菜同飲品，菜式提供西、日口味選擇，主食仲好有分量𠻹，以下係部分選擇：

頭盤

沙田店限定嘅招牌小食拼盤有吉列蠔、冷豆腐配胡麻醬同炸單骨雞翼，集香口同清爽嘅感覺。

湯品

2間分店都供應嘅龍蝦濃湯，蝦味突出，撈勻忌廉口感會更滑。

意大利麵/飯

2間分店嘅主食選擇完全唔同，沙田店就有招牌菜之一嘅和風照燒雞肉旋風蛋包飯。蛋皮用日本安心白蛋製作，滑溜富蛋香，再包住炒到入味嘅雞肉粒同米飯；配埋橙色嘅和風照燒汁，色彩鮮明。

同樣喺沙田店推出嘅日本櫻花魷魚帶子海膽醬意大利飯，則帶畀大家fusion口味。意大利飯吸收海膽醬嘅鹹鮮味，連埋魷魚、帶子同蟹籽一齊食，味道同口感層次都更豐富。

另外仲有櫻花蝦乾香蒜虎蝦仁扁意粉（沙田店）、意大利豬肉腸拼辣肉腸蕃茄扁意粉（荃灣店），以及海鮮南瓜汁意大利飯（荃灣店）。

主菜

扒類首選推介香煎豬鞍配蜜糖芥末醬，豬鞍主要來自加拿大同美國，厚肉大份，肉質香甜又少脂肪，2間分店都有供應㗎。

而香煎精選魚柳2間分店各配唔同醬汁，沙田店係配柚子味噌忌廉汁（如上圖），荃灣店則用紫蘇忌廉汁。

另外仲有香烤雞扒配黑松露蜜糖醬（2間店都有）同香煎牛仔骨配和風照燒汁（沙田店）。

飲品

2人晚餐本身包美式咖啡或自家製茉莉花冷泡茶（圖左），其中冷泡茶最少浸5個鐘以泡出陣陣花香。你亦可以半價升級無酒精飲品，例如沙冰般嘅So Smooth mocktail（圖右），混合番茄汁、椰子水、百香果糖漿同桃，味道清爽，好啱夏天飲。

夏の鵲舍2人下午茶

 沙田店價格：$202/2位用（原價：$238【未連服務費】）
 荃灣店價格：$144/2位用（原價：$288【未連服務費】）
（各分店款式有所唔同）

夏の鵲舍2人下午茶包括5款起嘅鹹甜點同飲品，想豐富啲可以用$58追加2款（共4件）鹹甜點，要輕盈或飽肚啲由你話事。而下午茶用金色鵲舍層架呈上，帶畀人優雅嘅感覺。以下係5款指定口味：

鹹點必配菠菜芝士蟹肉丸子配芥末醬（圖左），同埋煙三文魚多士配明太子醬（圖左），前者炸得香脆，後者味道微鹹。甜點指定款式則有雙重朱古力紙杯蛋糕（圖左）、蝶豆花荔枝奶凍（圖右）同英式鬆餅（圖右）；其中奶凍味道清新，唔會好甜；鬆餅則配士多啤梨果醬同德文郡忌廉。

追加款式更貼心提供鹹甜口味，你可以喺4款中任揀2款，包括朱古力粟米（圖左）、士多啤梨柚子忌廉杯（圖右）、吉列蠔配他他汁同迷你日式沙律。想特別啲嘅話，推介外形像真嘅朱古力粟米，入面亦真係包住粟米粒，整體味道則偏甜。

而飲品同2人晚餐一樣，包美式咖啡或自家製茉莉花冷泡茶，亦可以半價升級無酒精飲品。

OpenRice訂座推介 | OpenRice x The Food Story
於2022年6月1日至7月31日為你獨家呈獻Signature Menus，首200名會員於推廣期內，經OpenRice網上訂座The Food Story旗下餐廳時輸入優惠碼FDSTORY60，購買訂座預付套餐滿$600再減$60。
推廣期內累積最高消費金額的首3名會員，可獲The Food Story高級餐飲體驗及現金券（總值$9,140）。
活動詳情：（按此）

SENSU（沙田店）   
地址: 沙田沙田正街18號新城市廣場3期2樓A237號舖

SENSU（荃灣店）   
地址: 荃灣楊屋道1號荃新天地一期UG樓78號舖