朋友外地回來特別想約去跑馬地吃私房菜，餐廳裝潢簡潔，座位之間有足夠的空間感，另一邊是包廂空間，坐起來特別舒適。
來這裡需要提早預約，因為有些菜式需要提早預訂，建議大家一次過把想吃的都提早在預約時先留，例如桶蠔煲如果不預訂的話有機會沒貨🥹
這天我們分別點了：

🔹生拆蟹肉炒大良奶 🔹豉油雞
🔹菜脯肉松煎蛋角 🔹薑蔥桶蠔煲 🔹椒鹽豆腐粒 🔹四囍荷葉飯 🔹雞油花雕蒸馬友（古法蒸）
來這裡一定要點豉油雞，雞肉嫩滑而且味道調配剛剛好，完全是你連雞皮都想吃的成度☺馬友也很滑，不過我們都覺得不太吃到花雕酒香；比較有驚喜是蟹肉炒大良奶，口感很特別，蟹肉不算多，但和蛋白一起吃的時候是不錯的，帶鹹的奶香很有記憶點；菜脯肉松煎蛋角以為會很鹹，吃下去又剛剛好，蛋香濃郁，很適合配飯：荷葉飯醬汁比較黏，味道偏濃，但很入味，好吃的😋
平日晚上第一輪頗多人的，有興趣來試還真的是儘早預約。

金華牛雜粉麵位於粉嶺，係一間小型粉麵店，傳聞係家庭式經營，內部簡樸，僅有十餘個座位，營造出親切溫馨的用餐氛圍。 招牌菜好似係崩沙腩，但係我今次想食牛雜，於是就叫左碗牛雜麵。湯底香濃偏咸，適合喜歡重口味嘅朋友。牛雜份量OK啦，牛腸細舊左少少，其他野都不過不失。 雖然店鋪位置較為偏遠，但係金華牛雜粉麵算係附近比較唔錯嘅粉麵舖頭。特別係如果你喜歡重口味湯底。堂食黎講座位真係有啲窄，基本上就九成九要搭枱，好似同陌生人太親密，啲湯彈黎彈去。

去完利東打卡，揀左間日本天婦羅天丼食。 松花堂 -擺盤100分好有儀式感👍🏻好似返左日本咁 -天婦羅車海老大大隻肉質彈牙，好濃蝦鮮味 -魷魚天婦羅餅有驚喜，魷魚切成粒狀，厚肉，好有口感 -sashimi 的蝦&帆立貝新鮮肥美 穴子日本剷牡蠣天丼 -穴子大大條，外脆內嫩，炸粉超薄👍🏻 -炸蛋整開後流哂心，撘住飯食成碗食可以食哂 半之助沙律 -$48 估唔到有海葡萄😋 鮭魚子玉子燒 -鮭魚子份量好多，每口玉子都食到大量魚子

約左朋友收工之後食飯，朋友就推薦呢間都新新地既Landau‘s。當晚就試左Bar & Grill果邊，朋友話想下次試埋另一邊😜。 餐廳裝修氣氛幾好，有室外有室內。室內又有飲酒為主既高檯又有普通Table。 坐低我地就睇下餐牌食咩，以同類餐廳黎講都幾多選擇。 最後我地叫左每人一碗mushroom soup, 每人一杯drinks, snacks combo, Carbonara, Seafood Gumbo, Seabass, Ribs。 碗湯好濃稠好香又大碗😋野飲都唔錯，我飲果杯Gold Shimmer都幾清新。 隔左一陣就上左Snacks Combo，有魷魚，雞翼，魚柳同香腸，仲分別有4種唔同既醬做配搭，侍應都好細心同我地介紹每一隻醬同點配搭最好。 之後黎左Seafood Gumbo同Carbonara，Seafood Gumbo有蝦同蠔仔，不過d飯略微硬左少少🤏🏼 Carbonara就用左粗身d既意粉，我自己就中意食幼身多d，不過味道都唔錯👍🏼 之後就黎左Seabass同Ribs。Seabass一d都唔腥加埋個配醬幾好食😋Ribs我地叫左half但都好大條，侍應仲過黎幫我地切開埋，非常細心。Ribs加埋個醬真係好正，仲有配d酸菜同沙律，都幾抵食😎 簡簡單單又一餐，黎到呢到，又食飽lu～ 個人非常推薦👍🏼下次一定要試埋另一邊💪🏼

今次係一個人靜靜享受寧靜🍵 特濃黑芝麻巴斯克芝士蛋糕👍 黑芝麻味濃郁加埋我喜愛嘅巴斯克芝士！正🥰👍 丸久小山園抹茶鲜奶🥰 嘩！靚到唔捨得飲👍 齋望都好療情🥰 靜靜地坐在一角🤗 享受一杯精緻咖啡加心愛蛋糕👍 絕對係一種放空自己又舒服感覺🥰

新開的居酒屋位於灣仔囍帖街，主打親民價的日式美食，選擇多，環境寬敞舒適，好適合附近上班族下班後聚餐！ 招牌菜之一的網燒日本產和牛印象特別深刻。和牛肉味濃郁，口感柔滑，好有滿足感。而日本味噌牛腸就是必備小食！ 豐富的脂肪和濃厚的味噌香氣交融。 另外，日本豚肉麵炒飯的創意結合了炒麵和炒飯，沙拉醬與醬油的搭配出奇的美味，有驚喜！而與火炙的和牛拉麵，和牛嫩滑，湯底濃郁，麵條都好有口感。 海鹽雪糕搭配炸沖繩紅芋，帶著淡淡的紫薯香氣，甜而不膩，是來到這裡必點的甜品。

越式五花腩肉燥法包 $98 法包內夾咗肉燥、紅蘿蔔、白蘿蔔、青瓜、芫茜。揀呢個原因係餐牌signature，上枱睇個樣好普通，又驚五花腩肉會油。但！一咬第一啖，已經好驚喜！！！可能係我暫時食過最好食嘅越南包。首先個包一d都唔硬，外脆肉軟，唔係隔夜包；然後d肉燥一d都唔油，唔會話有肥豬肉咁，似咸牛肉味；配搭埋其他蔬菜配料，食落去好fresh！店員本身畀咗支辣醬話可以加，但個包已經好好味，都忘記咗加辣醬試下。 越式生牛肉湯河粉 $88 好正宗嘅越式湯河，先上配菜：有齊生豆芽菜、羅勒、青檸同辣椒。湯河內就有幾塊生牛肉、蔥同洋蔥。湯底算鮮甜，所有配料亦好新鮮。撈埋咁新鮮嘅配菜食唔單止食到配菜嘅香味，亦有爽脆口感。 喜馬拉亞越式朱古力蛋糕 $58 第一次食越式朱古力蛋糕，原來同西式嘅唔同。朱古力蛋糕上落咗d cream，個cream 係忌廉咖啡嘅忌廉嚟，好滑同香。同朋友share 個cake 食，打算砌一半，砌落去勁硬，以為中伏。但原來佢係 brownie 咁，佢好食過brownie 喎，濃濃朱古力香又唔太甜，咬落去又 soft 過 brownie，係好食嘅。 喜馬拉亞粉監忌廉咖啡 $60 未撈埋d cream 飲前，一飲落去好香咖啡味，唔太甜，偏重奶味；齋食個cream 就似奶蓋。撈埋d cream後更滑，另一番風味。 越式滴漏式黑咖啡/煉奶 (熱) $42 Full set 上枱，賣相已經靚靚。滴完一小杯後夠晒香濃!

是日去 #塔門放風 #行山 有時真係需要放鬆吓自己 ── ✦── ✦ ── ✦ ── ✦ ── ʚ #鮮炸墨魚丸 ɞ 墨魚丸打到起膠彈口 入面仲有啲細細粒既墨魚肉 完全係真材實料 雖然個名叫炸墨魚丸 但因為無炸皮咁就唔會成粒炸波咁熱氣 反而佢咁煮個墨丸保到溫 食到最尾一粒個心都仲好夠熱。 ʚ #海膽炒飯ɞ 塔門名物唔洗多講 嚟呢到一定要試海膽炒飯 生嘅海膽食得多 熟嘅原來都別有一番風味 首先即叫即炒 新鮮有鑊氣就係必定 老細將碟飯炒到粒粒米都金黃色 第一啖飯入口已經感受到海膽嘅鮮味 仲有淡淡薑味就係中和返海鮮本身腥味 而海膽份量都真係足夠每啖飯都有海膽伴隨 ── ✦── ✦ ── ✦ ── ✦ ──

📍阿木台灣麵😍荔枝角高質素台灣野👍 ～餐廳環境靚😍食物質素高🥳店員服務態度好👍 ～紅燒牛肉麵😍 非常好味嘅紅燒牛肉麵😘牛肉肉質嫩滑😘湯底濃郁好味👍麵條爽口彈牙☺️ ～滷牛腱😘 牛肉接近入口即溶☺️仲要非常有牛味😍肉質非常鮮嫩☺️食到停唔到口啊👍 ～炸甜不辣❤️ 勁好味嘅甜不辣😘質感非常新鮮好味☺️食得出係用靚魚做👍🏻 ～黑糖珍珠奶茶😘 一杯非常高質素嘅珍珠奶茶😍黑糖味非常濃郁☺️珍珠夠晒大粒😍奶茶非常香濃👍🏻 📍阿木台灣麵 (D2 Place TWO) (荔枝角) 荔枝角長順街15號D2 Place TWO 1樓102號舖

上個月的閨蜜飯局 性價比唔錯嘅韓食餐廳 單價唔算平 但菜品份量夠 氣氛唔錯 裝修明亮 好適合三兩朋友飯聚 或者收工後鬆一鬆 我地食左醬油三寶 個鮑魚特別好味 記得叫個海苔飯配醬油蟹食呀 炒年糕 好中意年糕嘅口感 煙煙韌韌 炸雞 炸得好嘅 但稍嫌太大舊 食得好輪盡 部隊鍋 豆腐湯 有酒類飲品嘅 食韓食唔少得 整體味道幾好 佢個甜辣係甜但唔係幾辣 適合大部分人口味 但佢前菜個泡菜係好辣架😂

原來上海婆婆回歸了！ 今次同屋企人再嚟食上海嘢。難得完成工作，就食得豐富少少。 我哋4人叫咗個「歡聚四人餐」，加多個蟹粉系列「蟹粉扒豆苗」。 一開始食個冷盤前菜三小拼 小排骨酸酸甜甜，即刻開胃晒。三喜烤麩索咗汁，又係惹味。假如水晶肴肉多番幾件就好，而家每人一件一啖就冇咗😂 小籠包熱辣辣，yummy。 砂鍋雲吞雞，冬天飲碗熱湯perfect，唔鹹。雞就正常發揮。 屋企人超愛食松子大黃魚，酸甜適中，魚肉唔梅，菠蘿同蝦仁都爽。下次一定要再食。 回鍋肉正常發揮，少辣惹味，豬肉都爽彈。 額外加嘅「蟹粉扒豆苗」都唔錯，蟹鹹蟹香，送飯一流👍🏻 最後食埋每次食上海嘢都一定要嘅高力豆沙，熱辣辣，非常滿足，為寒冷嘅夜晚劃上完美句號。

呢間酒店裝修過後初次到訪，就係為左一嚐World‘s 101 Best Steak Restaurant - The Steak House既牛牛🫣前排朋友既AE卡有做Promo，可以有八五折💰 攞上手暖笠笠，外脆內軟既Sourdough，加上軟滑既海鹽牛油，開左個靚頭🧈 ▪️King Crab Cake（8/10）💲288 金黃色既外皮帶點焦脆，採用阿拉斯加長腳蟹，一梳梳既蟹肉好鮮味，加埋他他醬同檸檬汁食又係另一番風味🦀 ▪️ Poached Spanish Octopus （8/10）💲298 八爪魚燒得唔錯，軟身但唔黏牙🐙侍應話個醬汁係豬腳薑味，酸蘿蔔加燒烤味洋蔥絲，又真係有幾分似，中西合璧嘅感覺幾有記憶點🧅 ▪️Chateaubriand （7.5/10）💲1780 (20 Oz) 可以挑選手工刀或者德國牌子既刀🔪仲有黃芥末、蘋果提子芥末、辣酸甜芥末、菲律賓海鹽、柚子鹽等🧂牛肉種類款式繁多，侍應推薦柔軟但係無咁多油脂既牛里脊，叫左五成熟，賣相好粉吸睛，頭尾兩舊偏乾同埋韌，勝在中間幾舊幾軟腍，炭燒味濃但略鹹😳 ▪️ Creamy Organic Spinach （7.5/10）💲98 就係好Creamy富有芝士忌廉香既菠菜🥬 ▪️ Pavlova （7.5/10）💲200 面頭係士多啤梨粒，底下係脆身蛋白餅，淋上士多啤梨醬，配搭啱好清新唔會太甜🍓 ▪️ Sei Bellissimi （7/10）💲130 除左咖啡或茶，只有兩款無酒精飲品🍸飲落係Classic既桃汁，唔係假人工糖漿味🍑 ▪️Copenhagen Sparkling Tea （7.5/10）💲160 侍應話係茉莉花茶味，覺得有啲似係香港迪士尼睇4D電影，野食彈出黎嗰一幕既味，不過係清幽既版本🤣 🔎 整體評分（8/10）

灣仔有間樓上印度餐廳，由印度人開設，除了單點餐牌，weekday和weekend 都有buffet供應。 原來餐廳於1985年成立，元祖店在西貢，而這間分店則開了5年。 這次來吃weekend brunch buffet🌞。$180/位，包一杯飲品，另設加一。 餐廳有大片玻璃窗，環境格局光猛舒適，氛圍好好😊。 有職員現場烹煮食物，更會主動送上客人座位。 有數款蔬菜，可自製沙律。有各款咖喱，包括羊、魚、雞、蔬菜、芝士。有各口味簿餅、簿脆、印度飯。還有一至兩款甜品。 Naan有原味、蒜蓉和牛油味，Roti有原味和牛油味。兩者都烘烤得熱辣辣，餅皮薄薄地，表面香脆，餅身口感煙韌。 簿脆好好味😍。口感好好，滿滿印度香料的香草味，不點任何醬汁，已經非常可口😋。 印度炒飯，沒有一次讓人失望，永遠都這般好吃😝。粒粒分明爽口，充滿香料香氣😋。不拌咖喱，就這樣吃已經可以吃一碗。 至於主食方面，我覺得最最好味是炸魚！無論口感味道都一級棒🤤。酥脆的炸漿，厚度適中，裡面魚肉軟嫩新鮮，調味一流。夾完又夾🤤。 緊隨著好味的是Paneer Tikka Masala，是瑪沙拉芝士咖喱。切成一顆顆小方塊，口感柔軟又微微帶硬，味道帶著淡淡甘鮮奶香，好味☺️。 至於飲品，點了Mango Lassi。口感creamy，芒果味極濃！可能是我飲過最濃的頭三位。 總結，環境舒適，職員有善熱情，食物不錯。如果想吃印度菜，又想每樣試一點，來個簡單小型buffet，大家不妨可以將這家放入to-eat list😊。

可以帶埋主子🐾既餐廳就係幸福！ ▪️忌廉蟹肉帶子意大利飯$138(套餐) 帶子微微煎過大約三成熟，意大黎飯黏而不軟醬汁唔會水汪汪，質地creamy，仲有蟹肉係入面 ▪️是日餐湯蕃茄湯🍅 勁Good 蕃茄湯順滑得來又會feel到蕃茄蓉蓉嘅質感， 酸甜十分適中，味道好濃郁~~ ▪️蜂巢鮮奶咖啡$45*跟餐加配 賣相打卡able ♥ 倒啲咖啡落去個下好療癒~~ 咖啡，咖啡唔中意酸所講以揀咗nutty ！ ▪️All Day Breakfast $138 窩夫出色！唔𠝹嘴嘅脆，質感係介乎於格仔餅同雞蛋仔口感，配蜂蜜多咗一份清香 滿滿的一盤，煙三文魚唔會過鹹，其他就係預期到嘅味道

呢間位於鰂魚涌嘅餐廳，位置好近太古站，步行五分鐘就到。入面裝修走簡約路線，座位闊落舒適。 燒美國prime級牛扒（套餐$248）- 牛扒外焦內嫩，肉質鮮美，彈牙多汁，搭配香濃的醬汁和配菜，味道唔錯。套餐仲包括餐湯、飲品及甜品，呢個價錢可謂相當抵食。 法國蟹膏蟹肉扁意粉 ($168) - 意粉煮得彈牙，配豐富的蟹膏和蟹肉，鮮味十足，配埋香濃嘅忌廉汁，鍾意食蟹嘅朋友不容錯過。 餐湯係南瓜忌廉湯，南瓜的甜味恰到好處，口感creamy滑溜，作為前菜餐湯非常開胃。 餐飲點咗凍朱古力（+$8），朱古力味道濃郁，唔會過甜，感覺相當不錯。 餐廳環境舒服好坐，食物質素亦相當之高，另外見餐廳亦有提供到會服務及外賣，住附近嘅朋友值得考慮。